«شەتەلدىك ازاماتتار بىزگە وزدەرىنىڭ دونورلارىمەن كەلەدى. قازاقستاندىقتار اعزا مۇشەسىن دونور رەتىندە ۇسىنعان جاعداي بولعان جوق. ءبىزدىڭ ماقساتىمىز – مەديتسينالىق ءتۋريزمدى دامىتۋ», دەيدى شىمكەنت قالالىق №1 كلينيكالىق اۋرۋحانا باس دارىگەرىنىڭ ورىنباسارى ابىلاي دونباي.
بۇگىنگە دەيىن مۇندا بۇيرەك الماستىرۋعا قاتىستى 145, باۋىر الماستىرۋ بويىنشا 19 وپەراتسيا جاسالعان. دارىگەرلەردىڭ ايتۋىنشا, ولاردىڭ بارلىعى ءساتتى اياقتالىپ, ناۋقاستار وزدەرىن جاقسى سەزىنۋدە. اق حالاتتىلار مۇنداي ناتيجەگە مەديتسينالىق قىزمەت ساپاسىن جاقسارتۋعا باعىتتالعان مەملەكەتتىك باعدارلامالار ناتيجەسىندە قول جەتىپ وتىر دەيدى.
ترانسپلانتالوگيالىق وپەراتسيالاردى جاسايتىن كلينيكا زاماناۋي مەديتسينالىق قۇرالدارمەن جابدىقتالعان. مۇنداعى مامانداردا بىلىمدىلىگىمەن قاتار بىلىكتى. مەديتسينالىق ۇيىمدا 7 بلوكتان تۇراتىن وپەراتسيا جاساۋ ءبولىمى مەن بۇيرەك پەن باۋىر الماستىراتىن حيرۋرگيا ءبولىمى بار. ال ەمدەلۋشىلەر ءۇشىن ستاتسيوناردا قوسىمشا 45 توسەك-ورىن قاراستىرىلعان. كۇندەلىكتى اۋرۋحاناعا 200-250 ناۋقاس مەديتسينالىق كومەككە جۇگىنەدى ەكەن.
نۇرشات توكەن,
«Egemen Qazaqstan»
شىمكەنت
