ايماقتار • 27 اقپان، 2019

جاھاندىق ۇيىمدارداعى قازاقستاننىڭ بەلسەندى ءرولى تالقىلاندى

57 رەتكورسەتىلدى

سىرتقى ىستەر ءمينيسترىنىڭ ورىنباسارى ەرجان اشىقباەۆ باستاعان قازاقستان رەسپۋبليكاسىنىڭ دەلەگاتسياسى جەنەۆاداعى بۇۇ جوعارى دەڭگەيلى سەگمەنتى شەڭبەرىندەگى جۇمىسىن جالعاستىردى. بۇل تۋرالى ءسىم ءباسپاسوز قىزمەتى حابارلادى. 

جەنەۆاداعى بۇۇ بولىمشەسىنىڭ باس ديرەكتورى مايكل ميوللەرمەن كەزدەسۋ بارىسىندا قازاقستاندىق ديپلومات جاھاندىق ۇيىمنىڭ ماقساتتارىن قولداۋدى جانە وزگەرمەيتىن اينىماستىقتى راستادى: قازاقستان ليۆانداعى بىتىمگەرشىلىك كۇشتەر قۇرامىنا اسكەري قىزمەتكەرلەردى جىبەردى، استانا 2018 جىلدىڭ قازان ايىندا دەنساۋلىق ساقتاۋ بويىنشا دۇنيەجۇزىلىك كونفەرەنتسياسىن جانە ءدىني كوشباسشىلار سەزىن قابىلدادى، الماتى قالاسىندا بۇۇ حابىن قۇرۋ بويىنشا بەلسەندى جۇمىس جۇرگىزىلىپ جاتىر. ءبىزدىڭ ەل بۇۇ كۇنتىزبەسىندەگى قارۋسىزداندىرۋ ماسەلەسىنە، سونىڭ ىشىندە يادرولىق قارۋسىزداندىرۋ، بيولوگيالىق قاۋىپسىزدىك جانە قاراپايىم قارۋلانۋدى قىسقارتۋ ماسەلەلەرىنە ەداۋىر ۇلەس قوسادى. بۇۇ جوعارى لاۋازىمدى وكىلى ۇيىم يدەالدارىن بەلسەندى ىلگەرى باستىرعاندىعى، ايماقتىق دەڭگەيدە تۇراقتى دامىتۋ ماقساتتارىن ىسكە اسىرعاندىعى ءۇشىن قازاقستانعا العىسىن ءبىلدىردى.

دسۇ باس ديرەكتورى روبەرتو ازەۆەدومەن بولعان كەزدەسۋدە 2020 جىلعى ماۋسىمدا استانا قالاسىندا جوسپارلانعان دسۇ حىى مينيسترلىك كونفەرەنتسياسىن دايىنداۋ ماسەلەلەرى تالقىلاندى. ە.اشىقباەۆ قازاقستاننىڭ حالىقارالىق ساۋدا جۇيەسىن نىعايتۋدىڭ جاقتاۋشىسى بولىپ تابىلىپ، دسۇ جاڭا مۇشەلەرىنە قاتىستى تەڭ شارتتارمەن جانە دسۇ بارلىق مۇشەلەرى ءۇشىن ادال باسەكە ورتاسىن قامتاماسىز ەتۋگە نيەتتەس ەكەندىگىن ەسكەردى. ر. ازەۆەدو قازاقستاننىڭ دسۇ قۇرامىنا مۇشە بولۋىمەن ەلدىڭ ساۋدا پوتەنتسيالىن ءتيىمدى جۇزەگە اسىرۋعا مۇمكىندىك بەرەتىندىگىنە، سونىمەن بىرگە ورتالىق ازيا ايماعىن جاھاندىق ساۋداعا ينتەگراتسيالاۋعا كومەكتەسەتىندىگىنە سەنىمىن ءبىلدىردى.

دۇنيەجۇزىلىك زياتكەرلىك مەنشىك ۇيىمىنىڭ (دزمۇ) باس ديرەكتورى فرەنسيس گارريمەن كەزدەسۋ بارىسىندا، دزمۇ تاراپىنان تەحنيكالىق جاردەمدەسۋ بويىنشا جوبالارعا ەرەكشە نازار اۋدارىلدى. سونىڭ ىشىندە، دزمۇ اۆتورلىق قۇقىقتاردى كوللەكتيۆتىك باسقارۋدى دامىتۋعا كومەكتەسەدى، زياتكەرلىك مەنشىكتى قۇقىقتىق اكىمشىلىك ەتۋ بويىنشا بولىمشەنى قۇرۋدى ۇسىندى، دزمۇ حاتشىلىق پەن مەملەكەت-مۇشەلەردىڭ سوت ورگاندارىمەن ءوزارا ارەكەتتەسۋ باعدارلامالارىن ۇيلەستىرەدى. بۇدان باسقا، تاراپتار قازاقستاندى وسىمدىكتەردىڭ جاڭا سورتتارىن قورعاۋ جونىندەگى حالىقارالىق وداققا قوسۋى بويىنشا كەلىسسوز پروتسەسى تالقىلاندى. ف.گارري ورتالىق ازيا، كاۆكاز جانە شىعىس ەۋروپا ەلدەرى ايماقتىق توبىنىڭ كوورديناتورى مىندەتىن اتقارعاندىعى ءۇشىن قازاقستانعا ريزاشىلىعىن ءبىلدىردى.

بۇۇ بوسقىندار ءىسى جونىندەگى اعا كوميسسارى فيليپپو گرانديمەن كەزدەسۋ بارىسىندا تاراپتار بوسقىندار تۋرالى جاھاندىق كەلىسىم پەرسپەكتيۆالارىن، ىزگىلىك داعدارىستارعا ىقپال ەتۋدە بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە قازاقستاننىڭ بەلسەندى ءرولىن تالقىلاپ، سونداي-اق، الماتىدا بۇۇ-نىڭ ايماقتىق حابىن قۇرۋدا بوسقىندار ءىسى جونىندەگى باسقارماسىنىڭ قاتىسۋ ماڭىزدىلىعىن اتاپ ءوتتى.

سوڭعى جاڭالىقتار

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار