الدىمەن وبلىستىق توتەنشە جاعدايلار دەپارتامەنتىنىڭ باستىعى ازاماتتىق قورعاۋ پولكوۆنيگى تالعات كاكىموۆ وبلىستىق جوعارى ازىرلىكتەگى شۇعىل دەن قويۋ جاساعىنىڭ بايقاۋىن وتكىزدى. ءورت سوندىرۋشىلەر, قۇتقارۋشىلار جانە پوليتسەيلەر, قالانىڭ كوممۋنالدىق جانە جول كاسىپورىندارىنىڭ قۇرالىمدارى ۇلكەن كوپىردىڭ اتقى جاعىندا, اق-شاڭىراق مەيرامحاناسى اۋماعىندا ساپقا تۇردى. بۇل جەردە شتاتتان تىس جاعدايلارعا قاجەتتى تەحنيكا ورنالاسقان.
ءار ءتۇرلى قىزمەتتەر مەن ۇيىمداردىڭ قىزمەتكەرلەرى وبلىستىق تج باسشىسىنىڭ الدىندا 125 ادام جانە 43 بىرلىك تەحنيكا جاۋىنگەرلىك دايىندىقتا بولدى. ازاماتتىق قورعاۋ پولكوۆنيگى تالعات كاكىموۆ جاساقتىڭ سۋ تاسقىنى كەزەڭىندەگى توتەنشە جاعدايلارعا دايىندىعىن: تەحنيكا جانە جابدىقتارمەن جاساقتالۋىن, اپات نەمەسە سۋ تاسقىنى كەزەڭىندە توتەنشە جاعداي قالىپتاسقان جاعدايدا جەكە قۇرامنىڭ لاۋازىمدىق جانە قىزمەتتىك مىندەتتەرىن قانشالىقتى ءبىلۋىن تەكسەردى.
وقۋ-جاتتىعۋ كەزىندە قوستاناي قالاسىنىڭ ماڭايىنداعى سۋ شاياتىن ورىنداردا اپاتتىڭ الدىن الۋ جۇمىستارى جانە ەۆاكۋاتسيالىق جۇمىستارعا دايىندىق بارىسى قارالدى.
ءنازيرا جارىمبەت,
«ەگەمەن قازاقستان»
قوستاناي
