«قازىرگى زامانعى شىندىق ءبىزدىڭ بالالارىمىزدا جاڭا داعدىلار مەن قۇزىرەتتەردى دامىتۋدى تالاپ ەتەدى. مەن ءۇش تىلدىلىك بىرتىندەپ نورماعا اينالۋى تيىستىگىن ايتقان ەدىم. ءبىزدىڭ بالالارىمىز – جاھان بالالارى. ولار بۇكىل الەمدىك كەڭىستىكتە, ۇزدىك جوعارى وقۋ ورىندارىندا ءبىلىم الۋدا. سوندىقتان قازاق, ورىس جانە حالىقارالىق اعىلشىن ءتىلىن ءبىلۋ ماڭىزدى» دەدى مەملەكەت باسشىسى.
دەگەنمەن, ەلباسى بۇل ساياساتتا اسىعىستىق بولماۋ كەرەگىن ەسكەرتتى. «الدىمەن پەداگوگتەردى دايىنداپ الۋ قاجەت. اعىلشىن ءتىلىن بىلەتىن فيزيكا, ماتەماتيكا جانە حيميادان ساباق بەرۋگە قابىلەتتى پەداگوگتى وقىتۋ قاجەت. ال ءبىزدىڭ مينيسترلىك ەرتەڭنەن باستاپ-اق مۇعالىمدەرگە ساباق بەرە باستاۋدى تاپسىردى. ءۇش ايعا كۋرسقا شاقىرىپ, وقىتاسىڭدار. ول دۇرىس ەمەس» دەدى نۇرسۇلتان نازارباەۆ.
مەملەكەت باسشىسى ءاربىر وڭىردە الدىڭعى قاتارلى ەڭ ازى ءبىر جوعارى وقۋ ورنى بولۋى كەرەكتىگىن باسا ايتتى.
ء«اربىر وڭىردە كەمىندە ءبىر ىلگەرى جوعارى وقۋ ورنى, ياعني مەملەكەتىمىزدە 17 جوو جانە 10 زاماناۋي كوللەدجدەن بولۋى ءتيىس. وقۋ ورىندارىنىڭ تيىمدىلىگىنىڭ باستى كريتەريى – بۇل تۇلەكتەردىڭ جۇمىسقا ورنالاسۋى. ۋنيۆەرسيتەت تۇلەگى جۇمىسقا ورنالاسسا, بۇل - ۋنيۆەرسيتەتتىڭ باعالانۋى, ماماندارىنىڭ قاجەت ەكەندىگى» دەدى ەلباسى.
