قالانى قاردان تازالاۋعا مامانداندىرىلعان تەحنيكانىڭ 542 بىرلىگى جۇمىلدىرىلدى.
«قالا سىرتىنا شىعارىلعان قاردىڭ جالپى كولەمى 32 188 تەكشە مەتردى قۇرايدى. «استانا تازالىق» قالا سىرتىنا قاردىڭ 9 224, وزگە مەكەمەلەر 22 296, «استانا كوگالداندىرۋ قۇرىلىسى» 668 تەكشە مەترىن شىعاردى», - دەلىنگەن «استانا تازالىق» جشس-ءنىڭ حابارلاماسىندا.
16 قازان مەن 26 اقپان ارالىعىندا قالا سىرتىنا شىعارىلعان قاردىڭ جالپى كولەمى 2 308 137 تەكشە مەتردى قۇرايدى. ءبىر تاۋلىكتە قۇم-تۇز ارالاس قوسپانىڭ 129,5, ال 13 قازان مەن 26 اقپان ارالىعىندا 23 052,5 تەكشە مەترى سەبىلدى. 21 قاراشادان بۇگىنگە دەيىن كوكتايعاققا قارسى رەاگەنتتىڭ 483,73 تونناسى شاشىلدى.
استانا اكىمدىگى تۇرعىن ءۇي-كوممۋنالدىق شارۋاشىلىعىنا قاتىستى بارلىق سۇراقتاردى 109 ءنومىرى بويىنشا قالالىق iKomek مونيتورينگ جانە جەدەل ارەكەت ەتۋ ورتالىعىنىڭ call-ورتالىعىنا تاۋلىك بويى جولداۋعا بولاتىندىعىن ەسكە سالادى.
