باس پارتيانىڭ 20 جىلدىعىنا وراي ۇيىمداستىرىلعان جيىندا پارتيالىق ورگانداردىڭ ەسەبى تىڭدالىپ, «نۇر وتان» پارتياسىنىڭ 2030 جىلعا دەيىنگى جاڭا باعدارلاماسى تالقىلانادى. سونىمەن قاتار, ساياسي ۇيىمنىڭ جارعىسىنا وزگەرتۋلەر مەن تولىقتىرۋلار ەنگىزىلىپ, پارتيا ساياسي كەڭەسىنىڭ قۇرامى جاڭارتىلادى.
«اتالعان سەزدىڭ پارتيامىزدىڭ 20 جىلدىعى اياسىنداعى باستى ءىس-شارا بولارىنا جانە الداعى جىلدارداعى ماقسات-مىندەتتەردى انىقتاپ, ءبىزدىڭ ساياسي ۇيىمنىڭ ودان ءارى جاڭعىرۋىنا تىڭ سەرپىن بەرەتىنىنە سەنىمىمىز مول» دەپ جازدى پارتيا توراعاسىنىڭ ءبىرىنشى ورىنباسارى ماۋلەن اشىمباەۆ ءوزىنىڭ الەۋمەتتىك جەلىدەگى پاراقشاسىندا.
ايتا كەتەيىك, كەشە استانادا «نۇر وتان» پارتياسىنىڭ كەزەكتى XVIII سەزىنىڭ قارساڭىندا ايماقتاردان جينالعان پارتيا مۇشەلەرىنە ارنالعان تاقىرىپتىق سەسسيالار ءوتتى. قازىرگى ۋاقىتتا ەلىمىزدىڭ ەڭ ءىرى ساياسي ۇيىمىنىڭ بارلىق وڭىرلەردە 1 ملن-نان استام ازاماتتىڭ باسىن قوساتىن 247 فيليالى جانە 5600 باستاۋىش پارتيا ۇيىمدارى جۇمىس ىستەيدى.
