جامبىل وبلىستىق اكىمدىگى تۋريزم باسقارماسىنىڭ حابارلاۋىنشا, ءفيلمدى 2018 جىلدىڭ قازان ايىندا تارازدا وتكەن «ASPARA Fashion Week» حالىقارالىق ءسان اپتالىعى كەزىندە FNL Network تەلەارناسىنىڭ ديرەكتورى روككو لەو گاليوتي تۇسىرگەن.
ء«سان - تەك كيىم عانا ەمەس, ول بيزنەس ءارى تۋريزم. مەنىڭ تەلەارنامدى امەريكا, كانادا, جاپونيا, انگليا, گەرمانيا, اۋستريادا كورسەتەدى. مەنىڭ تەلەارنا پرەزيدەنتى رەتىندەگى باستى مىندەتىم - ەل مادەنيەتى مەن مودانى بۇكىل الەمگە پاش ەتۋ», - دەگەن بولاتىن سول كەزدە گاليوتي.
جۋىردا FNL Network حالىقارالىق تەلەارناسىنىڭ ديرەكتورى روككو لەو گاليوتي لوس-اندجەلەستە وتكەن American Testing Award سالتاناتتى ماراپاتتاۋ راسىمىندە تارازدىڭ كورىكتى ورىندارى تۋرالى اڭگىمەلەيتىن ءفيلمى ءۇشىن باس جۇلدەنى جەڭىپ الدى.
گاليوتيدىڭ ايتۋىنشا, ول تارازدان گورى مالديۆ نەمەسە بالي تۋرالى تۇسىرىلگەن فيلمدەر باس جۇلدەنى الۋى مۇمكىن دەپ ويلاپتى. الايدا كورەرمەندەر مەن قازىلار القاسىن قازاقستاننىڭ ەجەلگى قالاسىنا عاشىق ەتە العان فيلم ءبارىن باسىپ وزدى.
