«بۇگىنگى تاڭدا جاڭا كوشەلەردىڭ قۇرىلىسىن ەسكەرە وتىرىپ, بىرجاقتى قوزعالىس تۇجىرىمداماسىن ازىرلەۋ جۇمىستارى جۇرگىزىلۋدە. ءبىرىنشى كەزەڭگە سايكەس, بيىل قوناەۆ, دوستىق, تۇركىستان, اقمەشىت كوشەلەرىندە جالپى ۇزىندىعى 11,2 كم بولاتىن Bus Lane قوعامدىق كولىك جولاعىمەن بىرجاقتى قوزعالىستى ەنگىزۋ جوسپارلانعان. بۇل وتكىزۋ قابىلەتىن 20%-عا ارتتىرۋعا, جكو سانىن 15%-عا تومەندەتۋگە, ىرگەلەس جاتقان كوشەلەرگە جۇكتەمەنى ازايتۋعا, قوعامدىق كولىككە باسىمدىق بەرۋگە مۇمكىندىك بەرەدى, سونداي-اق, بۇل سول جاق جاعالاۋداعى جالپى كولىك جاعدايىنا وڭ اسەر ەتەدى» دەدى جول قوزعالىسى جانە كولىك ينفراقۇرىلىمى قاۋىپسىزدىگى ءبولىمىنىڭ باسشىسى رۋسلان ابدۋاليەۆ.
ول كولىك اعىنىن قالىپقا كەلتىرۋ ءۇشىن قالادا جالپى ۇزىندىعى 14,5 شاقىرىمدى قۇرايتىن (كەنەسارى, اباي, جەلتوقسان, اۋەزوۆ, يانۋشكەۆيچ, مامبەتوۆ كوشەلەرى) التى ۋچاسكەدە بىرجاقتى قوزعالىس ەنگىزىلگەنىن اتاپ ءوتتى. 2018 جىلى جەلتوقسان جانە بۇقارباي باتىر كوشەلەرىندە بىرجاقتى قوزعالىس ەنگىزىلگەن بولاتىن.
«بۇگىنگى تاڭدا بىرجاقتى قوزعالىستى ەنگىزۋ ءوزىنىڭ تيىمدىلىگىن دالەلدەدى دەپ ايتۋعا بولادى. مىسالى, كولىك اعىنىنىڭ ورتاشا جىلدامدىعى 33%-عا, وتكىزۋ قابىلەتى 25%-عا ارتسا, قيىلىستارداعى كىدىرىس ۋاقىتى 30%-عا تومەندەدى» دەپ تۇيىندەدى ءسوزىن ول.
