ۇلىبريتانيانىڭ كونە حالقى – ۆالليستەر – تۋعان جەرىن ء«ان وتانى» دەپ اتاي وتىرىپ, ءوزىنىڭ باي مۋزىكالىق داستۇرلەرىمەن ماقتانا الادى. ۋەلس مادەنيەتىنىڭ ماڭىزدى بولىگى حورمەن ءان ايتۋ, اسىرەسە ەرلەر حورىنىڭ ءان سالۋى بولىپ تابىلادى. وسى كەشتە تىڭدارماندارعا «استانا وپەرا» ەرلەر حورىنىڭ دارىندى ارتىستەرى ءوز ونەرلەرىن كورسەتەتىن بولادى. سونداي-اق, كامەرالىق زال ساحناسىنا حەيليبەري مەكتەبىنىڭ بالالار حورى مەن حەيليبەري حالىقارالىق قوعامدىق حورى شىعادى (استانا). ديريجەرى – روسس كلارك.
ۆالليس مۋزىكاسىندا ءداستۇرلى اسپاپتار قۇرامىنا ەنگەن ارفا ۋەلستە ايرىقشا كەڭ تاراعان. وزىندىك ۋەلس حالىق اۋەندەرى مەن ارفادا كەرەمەت ورىنداۋ ونەرىن «استانا وپەرا» سيمفونيالىق وركەسترىنىڭ ءارتىسى اينۇر قامالوۆا ۇسىنادى.
مۋزىكالىق كەشكە ۋەلستەن شاقىرىلعان سوليست فينيان دجونس قاتىسادى, ول – ءوز وتانى ۇلىبريتانيادا, ەۋروپا مەن ازيا ەلدەرىندە كەڭىنەن تانىمالدىلىققا يە بولعان پيانيست. جاستايىنان فورتەپيانودا ويناۋ قابىلەتىن كورسەتە وتىرىپ, ف.دجونس لوندونداعى ترينيتي مۋزىكالىق كوللەدجىن تامامداعان, ليونداعى (فرانتسيا) ۇلتتىق مۋزىكا جانە بي جوعارى كونسەرۆاتورياسىندا تاعىلىمدامادان ءوتىپ, كوپتەگەن اتاقتى مۋزىكانتتاردىڭ شەبەرلىك ساباقتارىنا قاتىسقان. ونىڭ دارىنى دج.ايرلەند اتىنداعى, ا.سكارلاتتي اتىنداعى, Il Circolo پيانيستەر بايقاۋلارىنىڭ لاۋرەاتى, مەسسيان سىيلىعىنىڭ يەگەرى ماراپاتتارمەن ەسكەرىلگەن بولاتىن.
مۋزىكانتتىڭ ورىنداۋىندا قازاقستاندا العاش رەت كورنەكتى ۋەلس كومپوزيتورى ۋيليام ەلۆيننىڭ بىرنەشە فورتەپيانولىق پەساسى شىرقالادى. سونداي-اق وسى كەشتە زاماناۋي ۆالليس اۆتورى دجون ريچاردستىڭ حورعا ارنالعان «Sanctus» شىعارماسىنىڭ پرەمەراسى ورىن الماق. ەلوردا تۇرعىندارى مەن قوناقتارىنىڭ نازارىنا كلاسسيك كومپوزيتورلاردىڭ شىعارمالارى, ۋەلس حالىق اندەرى, ءدىني حور اندەرى, ۋەلس كومپوزيتورلارىنىڭ تۋىندىلارى ۇسىنىلماق.
كونتسەرت اتاۋىندا ۋەلس ەلىنىڭ ۇلتتىق گ ۇلى – نارتسيسستىڭ بولۋى بەكەر ەمەس. ۆالليستەردىڭ سۇيىكتى مەرەكەسى – وسى وڭىردە جىل سايىن 1 ناۋرىزدا وتەتىن اۋليە داۆيد كۇنىندە ۋەلستىڭ بارلىق تۇرعىندارى ءوز كيىمدەرىنە بوزعىلت-سارى نارتسيسس گ ۇلىن قاداپ الادى.
