باسقارما توراعاسىنىڭ ايتۋىنشا, ۇلتتىق ارنا بيىلعى كوكتەمگى تەلەماۋسىمىن ناۋرىز مەرەكەسىنە وراي باستاۋدى جوسپارلاپ وتىر. ياعني, «ناۋرىز-دۋمان» اتتى مەرەكەلىك جوبا اياسىندا تۋىسقان تۇركيا, قىرعىزستان, وزبەكستان ەلدەرىنىڭ جىل باسىن تويلاۋ ءداستۇرى جايلى سيۋجەتتەر مەن ارنايى سۇحباتتار ۇيىمداستىرىلىپ, «قوش كەلدىڭ, ءاز ناۋرىز» اتتى حالىقارالىق تەلەكوپىر ورناماق.
سونىمەن قاتار 13 ناۋرىزدان باستاپ ۇلتتىق ارنا ەفيرىندە «توپىراققا تامعان تەر» اتتى جاڭا تەلەحيكايا شىعادى. تەلەحيكايادا ەڭبەك, تۋعان جەر, التىن بەسىك – اۋىل ءومىرى تەرەڭدەي كورىنىس تاپقان. ال 21 ناۋرىزدان باستاپ «EQUUS. جىلقى تاريحى» تريلوگياسى كورەرمەنگە جول تارتادى. بۇل تۋىندى ارقىلى كورەرمەندەر جىلقىنىڭ ادامزات تاريحىنداعى ءرولى, شىعۋ تەگى جايلى تىڭ ويلارمەن تانىسا الادى.
ونىڭ سىرتىندا جاڭادان التى تىڭ جوبا قولعا الىنۋدا ەكەن. ولار جاستارعا ارنالعان «سەرپىن» باعدارلاماسى, تىڭ ساراپتامالىق «جاھان-ساراپ» جوباسى, قازاقتىڭ جاڭا ورىنداۋشىلارى مەن كومپوزيتورلارىن تانىستىراتىن «New qazaq wave» اتتى ءتورت ءبولىمدى كونتسەرت, سونداي-اق «بەۋ» مۋزىكالىق توك-شوۋى, «كىم بىلگىر؟» ينتەللەكتۋالدىق جانە ساتيرالىق ء«ازىل-ءمازىر» جوباسى.
بۇعان ەفيردەن تۇسپەي كەلە جاتقان ارنانىڭ تۇراقتى باعدارلامالارى جاڭا فورماتقا اۋىسىپ, جەتىلە تۇسپەك ەكەن.
ۇلتتىق ارنانىڭ قۇرامىنداعى «Qazsport» ەۋروپا فۋتبولىنىڭ ۇزدىك ويىندارىن تاماشالاتۋمەن قاتار, ناۋرىز ايىندا رەسەيدىڭ كراسنويارسك قالاسىندا وتەتىن قىسقى ۋنيۆەرسيادانى, ءساۋىردىڭ 29-ىنان مامىردىڭ 5-ءى ارالىعىندا استانادا وتەتىن حوككەيدەن حالىقارالىق ءتۋرنيرىن تىكەلەي ەفيردە كورسەتپەكشى.
ال «Balapan» ارناسى تانىمدىق, ويىن-ساۋىقتىق, وتباسىلىق باعدارلامالارمەن تولىقتىرىلادى. اتا-انا مەن بالانىڭ ارا قاتىناسىن جاقسارتۋعا قۇرىلعان «بالامەن سۇحبات» جانە بالدىرعاندارعا كوتەرىڭكى كوڭىل-كۇي سىيلايتىن «تاڭجارىق» ويىن-ساۋىق باعدارلاماسى, بالانىڭ زەيىنىن دامىتۋعا مۇمكىندىك بەرەتىن «كىم تاپقىر؟» جوباسى تىكەلەي ەفيردە شىعاتىن بولادى.
بريفينگتە جۋرناليستەر ەستىگەن تاعى ءبىر جاڭالىق – 29 ماۋسىم كۇنى استانادا ءانشى ديماش قۇدايبەرگەننىڭ «ارناۋ» اتتى شىعارماشىلىق كونتسەرتى وتەدى. وسى شاراعا دا دايىندىق جۇمىستارى باستالىپ كەتكەنىن حابارلاعان ەرلان تىنىمباي ۇلى: «كونتسەرت «قازاقستان» كورپوراتسياسىنىڭ ۇيىمداستىرۋىمەن وتەتىندىكتەن, دەكوراتسيا ەسكيزدەرى, تەحنيكالىق جابدىقتاۋ جۇمىستارىن قولعا الدىق. ال شىعارماشىلىق جاعىنان ايتا كەتسەم, ءار ءنومىر ەكسكليۋزيۆتى بولادى. ارنايى ەففەكتىلەر قولدانىلادى», دەدى.
بەكەن قايرات ۇلى,
«Egemen Qazaqstan»
