سوڭعى جىلدارى عانا ونىڭ ناتيجەسى بويىنشا پارتياعا 140 مىڭ ءوتىنىش تۇسكەن. بۇل – پارتيانىڭ 20 جىلدىق تىنىمسىز ەڭبەگىنىڭ جەمىسى. سوندىقتان ساياسي ۇيىمنىڭ 2030 جىلعا دەيىنگى باعدارلاماسىندا مەملەكەت باسشىسى, «نۇر وتان» پارتياسىنىڭ توراعاسى نۇرسۇلتان نازارباەۆتىڭ تاپسىرمالارى مەن مەملەكەتتىك ماڭىزدى باعدارلامالاردى جۇزەگە اسىرۋداعى پارتيانىڭ ءرولى ناقتى كورسەتىلگەن.
سەزد قارساڭىنداعى بەس سەسسيانىڭ ءبىرى نازارباەۆ ۋنيۆەرسيتەتتە ء«بىلىم ساپاسىن, ازاماتتاردىڭ الەۋمەتتىك قورعالۋ دەڭگەيىن ارتتىرۋ, جاستاردى قولداۋ» تاقىرىبىمەن ءوتتى. بۇل جيىندى «نۇر وتان» پارتياسىنىڭ حاتشىسى فارحاد قۋانعانوۆ جۇرگىزىپ وتىردى.
ءىس-شارادا بايانداما جاساعان ءبىلىم جانە عىلىم, اقپارات جانە قوعامدىق دامۋ مينيسترلىكتەرىنىڭ وكىلدەرى ەلباسى تاپسىرمالارىنىڭ جانە مەملەكەتتىك باعدارلامالاردى ورىنداۋداعى «نۇر وتان» پارتياسىنىڭ رولىنە بايلانىستى مالىمەتتەرىمەن ءبولىستى.
سونداي-اق ەڭبەك جانە حالىقتى الەۋمەتتىك قورعاۋ مينيسترلىگىنىڭ وكىلى مەملەكەتتىڭ الەۋمەتتىك ساياساتىنىڭ نەگىزدەرى بويىنشا بايانداما جاسادى.
ال «دەنى ساۋ ادامداردىڭ مىقتى ۇلتىن قالىپتاستىرۋ» اتتى سەسسيادا ەلباسى جولداۋىنداعى تاپسىرمالاردى ورىنداۋ شارالارى, ەلىمىزدەگى مەديتسينا دەڭگەيىن كوتەرۋگە باعىتتالعان جۇمىستار تالقىلانىپ, قوعامدىق دەنساۋلىقتى نىعايتۋ, مىندەتتى الەۋمەتتىك-مەديتسينالىق ساقتاندىرۋ جوبالارىنىڭ جۇزەگە اسۋى تۋرالى ايتىلدى.
وتىرىسقا دەنساۋلىق ساقتاۋ ءمينيسترى ەلجان ءبىرتانوۆ, ءماجىلىس دەپۋتاتتارى, مادەنيەت جانە سپورت مينيسترلىگى, «ۇلتتىق عىلىمي كارديوحيرۋرگيا ورتالىعى» باسشىلارى قاتىستى.
ەلجان ءبىرتانوۆ دەنساۋلىق ساقتاۋ سالاسىن تسيفرلاندىرۋ ماقساتىندا مەديتسينا ۇيىمدارىن اقپاراتتىق جۇيەلەرمەن قامتۋ جۇمىستارى جۇرگىزىلىپ جاتقانىنان حاباردار ەتتى. وسى ماقساتتا ەمحانالاردا قۇجاتتامالاردى ەلەكتروندى فورماتقا كوشىرۋ جولعا قويىلعان.
سونىمەن قاتار مينيسترلىككە دارىگەرلەردىڭ جۇكتەمەسىن ازايتۋ ءۇشىن جاڭا ۋچاسكەلەر اشۋ مىندەتتەلگەن.
– ەلىمىزدە 15 مەديتسينا ۋنيۆەرسيتەتى بار. جىل سايىن ۋنيۆەرسيتەتتەردىڭ مىڭداعان تۇلەگى دارىگەرلەر قاتارىن تولىقتىرىپ وتىرادى. الايدا اۋرۋحانالارداعى كەزەك ازايار ەمەس. حالىق ۇنەمى تولاسسىز كەزەككە شاعىمدانادى.
بۇل – دارىگەرلەردىڭ جۇكتەمەسىنىڭ كوپتىگىنىڭ دالەلى. پرەزيدەنت تاپسىرماسىمەن جۇيەلى شارالار قامتىلعان كەشەندى جوسپار ازىرلەدىك. وسى ورايدا دارىگەر جۇكتەمەسىن ازايتۋعا نەگىزدەلگەن جاڭا جۇيە قولعا الىندى. بىلتىر 2000 جاڭا ۋچاسكە اشىپ, كەزەكتى ازايتۋعا مۇمكىندىك الدىق. نەگىزگى مەجەمىز – 2700 ۋچاسكە اشۋ, – دەدى ە.ءبىرتانوۆ.
جيىن بارىسىندا تاۋارلار مەن قىزمەتتەردىڭ ساپاسىن باقىلايتىن كوميتەت قۇرىلاتىنى ءمالىم بولدى.
پرەزيدەنت جانىنداعى مەملەكەتتىك باسقارۋ اكادەمياسىندا وتكەن «جاڭا ۇلگىدەگى مەملەكەتتىك اپپاراتتى قالىپتاستىرۋ جانە مەملەكەتتىك قىزمەتتەردى اۆتوماتتاندىرۋ» تاقىرىبىنداعى سەسسيادا مەملەكەت باسشىسىنىڭ قاتىسۋىمەن وتەتىن «نۇر وتان» پارتياسىنىڭ ءحVىىى سەزىندە قوزعالاتىن, پارتيانىڭ
«ازاماتتاردىڭ مۇددەسى ءۇشىن مەملەكەتتىڭ تيىمدىلىگىن ارتتىرۋ» جوباسى اياسىندا مەملەكەتتىك قىزمەت كورسەتۋدى رەفورمالاۋ مەن جاڭعىرتۋدىڭ وزەكتى ماسەلەلەرى تالقىلاندى.
جيىنعا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ولجاس بەكتەنوۆ, يندۋستريا جانە ينفراقۇرىلىمدىق دامۋ مينيسترلىگى, جامبىل, باتىس قازاقستان وبلىستارىنان كەلگەن 150-گە جۋىق دەلەگات قاتىستى.
جيىندى اشقان ءماجىلىس دەپۋتاتى, پارتيانىڭ «مەملەكەتتىك قىزمەت كورسەتۋ» باعىتى بويىنشا پارتيالىق كۋراتورى مايرا ايسينا «نۇر وتان» پارتياسىنىڭ 20 جىلدىق مەرەيلى مەرەكەسىمەن قۇتتىقتادى.
– بۇگىندە «نۇر وتان» پارتياسى ەلىمىزدىڭ جەتەكشى پارتياسىنا اينالدى.پارتيانىڭ ايماقتاردا 240 فيليالى قارقىندى جۇمىس ىستەپ جاتىر. سەزد قارساڭىندا سىزدەرمەن بىرگە مەملەكەتتىك اپپاراتتى قالىپتاستىرۋ جانە مەملەكەتتىك قىزمەتتەردى اۆتوماتتاندىرۋ ماسەلەلەرىن تالقىلاۋ ءۇشىن جينالىپ وتىرمىز, – دەدى ول.
ءوز كەزەگىندە ءسوز العان يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى قايىربەك وسكەنباەۆ بۇگىندە رەسپۋبليكا بويىنشا 487 مىڭ ادام پاتەر كەزەگىندە تۇرعانىن اتاپ ءوتتى.
– ولاردىڭ تۇرعىن ءۇي ماسەلەسىن تولىق شەشۋ ءۇشىن 4 تريلليون 887 ميلليارد تەڭگە كەرەك. ول ۇيلەرگە ينفراقۇرىلىمدار جۇيەسىن جۇرگىزۋگە قوماقتى قاراجات قاجەت, – دەدى ۆيتسە-مينيستر.
قاتىسۋشىلار مەملەكەتتىك باسقارۋدىڭ ءتيىمدى جۇيەسىن قالىپتاستىرۋداعى پارتيانىڭ اتقاراتىن ايرىقشا ءرولىن اتاپ ءوتتى. سونداي-اق وكىلەتتى مەملەكەتتىك ورگانداردىڭ باسشىلارى پارتيانىڭ جاڭا باعدارلاماسىنىڭ جوباسىندا كورسەتىلگەن ماقساتتارىن ىسكە اسىرۋ, جۇرگىزىلىپ جاتقان جۇمىستاردى جەتىلدىرۋ بويىنشا ءوز ۇسىنىستارىمەن ءبولىستى.
«مەملەكەت باسشىسى جولداۋىندا, بەس الەۋمەتتىك باستامادا اتاپ وتكەن جانە «نۇر وتان» پارتياسىنىڭ 2030 جىلعا دەيىنگى باعدارلاماسىندا كوزدەلگەن تاپسىرمالاردى ىسكە اسىرۋ اياسىندا ەكونوميكالىق ءوسىمنىڭ جاڭا ۇلگىسىن قالىپتاستىرۋ, حالىقتىڭ كىرىستەرىن جانە ءومىر ءسۇرۋ ساپاسىن ارتتىرۋ» تاقىرىبىندا وتكەن جيىنعا اقتوبە, اتىراۋ, ماڭعىستاۋ, پاۆلودار وبلىستارى جانە شىمكەنت قالاسىنان كەلگەن 200-گە جۋىق دەلەگات, ماجىلىستەگى پارتيا فراكتسياسىنىڭ دەپۋتاتتارى, ۇلتتىق ەكونوميكا, قارجى جانە ەنەرگەتيكا مينيسترلىكتەرىنىڭ, «اتامەكەن» ۇلتتىق كاسىپكەرلەر پالاتاسىنىڭ باسشىلارى قاتىستى.
سەسسيا جۇمىسىن اشقان ءماجىلىس دەپۋتاتى, پارتيانىڭ سايلاۋالدى باعدارلاماسىنىڭ «كاسىپكەرلىكتى قولداۋ» بويىنشا كۋراتورى مەيرام پىشەمباەۆ پارتيانىڭ 2030 جىلعا دەيىنگى باعدارلاماسى ۇيىمنىڭ پرواكتيۆتى الەۋمەتتىك ساياساتقا كوشۋ يدەياسىن ىلگەرىلەتەتىنىن, ماكروەكونوميكالىق ساياساتتى ساقتاۋ شارالارىن ىسكە اسىراتىنىن, تەحنولوگيالىق مودەرنيزاتسيانى جانە ۇلتتىق ەكونوميكانى تسيفرلاندىرۋعا سەرپىن بەرەتىندىگىن اتاپ ءوتتى.
ءوز كەزەگىندە جيىندا بايانداما جاساعان ءماجىلىس دەپۋتاتى البەرت راۋ پارتيانىڭ 2030 جىلعا دەيىنگى باعدارلاماسىنىڭ نەگىزگى ماقسات-مىندەتتەرىنە توقتالدى.
– ەڭ كۇردەلى كەزەڭدە ەلباسى «قيىن بولادى, بىراق بىرىگە وتىرىپ, وسىنىڭ بارىنەن اتتاپ وتەمىز» دەپ سەرت بەرگەن ەدى. بۇگىندە كۇنى وتكەنگە كوز تاستاي وتىرىپ, وتە كوپ ەڭبەكتىڭ جاسالعانىن, ەڭ الدىمەن ەلباسىنىڭ ۋادەسى جەردە قالماعانىن كورەمىز. ءبىزدى كەيدە «الدىمەن ەكونوميكا, سودان كەيىن ساياسات» دەگەن قاعيدات ءۇشىن سىناپ جاتادى. بىراق, ەكونوميكالىق ءوسىم باردا الەۋمەتتىك ماسەلەلەردى شەشۋ وڭايعا تۇسەتىنى راس ەكەنىنە كەلىسەتىن بولارسىزدار. ءبىزدىڭ الداعى ون جىلداعى ماقسات – ءاربىر قازاقستاندىقتىڭ ءومىر ساپاسىن ارتتىرۋ باعىتىندا ەلىمىزدى جۇيەلى تۇردە جاڭعىرتۋ, – دەدى ا.راۋ.
ال ۇلتتىق مۋزەيدە مەملەكەت باسشىسىنىڭ «بولاشاققا باعدار: رۋحاني جاڭعىرۋ» جانە « ۇلى دالانىڭ جەتى قىرى» ماقالالارىندا ايتىلعان يدەيالارى توڭىرەگىندە ازاماتتاردىڭ بىرىگۋى تاقىرىبىن قامتىعان سەسسيا ءوتتى.
جيىنعا ءماجىلىس دەپۋتاتتارى, مادەنيەت جانە سپورت, اقپارات جانە قوعامدىق دامۋ مينيسترلىكتەرى جانە باسقا دا ۇيىمدار مەن مەكەمەلەردىڭ باسشىلارى قاتىستى.
وتىرىستى اشقان ءماجىلىس دەپۋتاتى بەكبولات تىلەۋحان «رۋحاني جاڭعىرۋ» باعدارلاماسىنىڭ جۇزەگە اسىرىلۋىن قاداعالاۋدى ەلباسى «نۇر وتان» پارتياسىنا تاپسىردى», دەدى.
ءوز كەزەگىندە مادەنيەت جانە سپورت ۆيتسە-ءمينيسترى اقتوتى رايىمقۇلوۆا «2017 جىلدان باستاپ الەۋمەتتىك جاڭعىرۋعا باعىت الدىق. ونىڭ نەگىزى مەملەكەت باسشىسىنىڭ قوعامدىق سانانى جاڭعىرتۋعا باعىتتالعان جالپىۇلتتىق «رۋحاني جاڭعىرۋ» باعدارلاماسى جانە « ۇلى دالانىڭ جەتى قىرى» اتتى ەڭبەگى بولدى. وسى تۇستا, مادەنيەت جانە سپورت مينيسترلىگى ەڭ الدىمەن مادەنيەت پەن ونەردىڭ بارلىق سالالارى مەن باعىتتارىن بەلسەندى وزگەرتۋگە باعدارلانعان مادەني, ساياسي تۇجىرىمداماسىن قابىلداپ ونى جۇزەگە اسىرىپ كەلەدى», دەپ اتاپ ءوتتى.
ءوز كەزەگىندە «نۇر وتان» پارتياسى جانىنداعى ساياسي مەنەدجمەنت اكادەمياسىنىڭ ديرەكتورى جانار بوقانوۆا پارتيانىڭ پوزيتسياسىن نىعايتۋ جونىندەگى نەگىزگى فاكتورلار تۋرالى ايتىپ بەردى.
سەرىك ابدىبەك,
ءمادينا جالەلقىزى,
سۆەتلانا عالىمجانقىزى,
«Egemen Qazaqstan»,
ءمولدىر رىسحانقىزى,
ستۋدەنت
