جاقىندا وسكەمەندە وتكەن وبلىس اكىمى دانيال احمەتوۆتىڭ حالىققا ەسەپ بەرۋ كەزدەسۋىندە قازاقستان جازۋشىلار وداعى سەمەي قالالىق فيليالىنىڭ ديرەكتورى مەرەي قارت: «اۋەجاي ەل مەن ەلدىڭ, جەر مەن جەردىڭ اراسىن جالعايتىن ۇلكەن كۇشكە اينالدى.
سەمەي قالاسىنىڭ اۋەجايى كۇردەلى جوندەۋدەن وتكىزىلگەنى ءۇشىن قالا تۇرعىندارىنىڭ اتىنان العىس ايتامىز. الەمدىك تاجىريبەنى الىپ قارار بولساق, فرانتسياداعى اۋەجاي شارل دە گوللدىڭ اتىندا, استاناداعى اۋەجاي ەلباسىنىڭ اتىندا.
ەندى وسى سەمەيدەگى اۋەجايعا سەمەيدەن شىققان ۇلى تۇلعالاردىڭ ەسىمىن بەرۋگە قالاي قارايسىز؟» دەپ اكىمگە سۇراق قويعان بولاتىن. بۇل ساۋالعا ايماق باسشىسى «سەمەيدە ۇلى ابايدىڭ اتى بەرىلگەن نىساندار جەتەرلىك. اباي مۋزەيى, اباي تەاترى, اباي كىتاپحاناسى بار. ونىڭ ۇستىنە «اباي ارەنا» مادەني-سپورتتىق كەشەنى سالىنىپ جاتىر. شاكارىمنىڭ اتىندا دا كوشە, جوعارى وقۋ ورنى بار. سوندىقتان اۋەجايعا ات بەرۋدى قوعام بولىپ اقىلداسۋىمىز قاجەت. ۇسىنىس وتە ورىندى. بۇل رەتتە ءبىز جەرلەسىمىز, ۇلى جازۋشى مۇحتار اۋەزوۆتىڭ ەسىمىنە نازار اۋدارۋىمىز كەرەك سياقتى» دەپ جاۋاپ بەرگەن-ءدى.
ازامات قاسىم,
«Egemen Qazaqstan»
وسكەمەن
