قازاقستاننىڭ جەكپە-جەك ونەرى قاۋىمداستىعىنىڭ باس حاتشىسى فارحات امانقۇلوۆ: «مۋايتاي – وتە كۇردەلى سپورت ءتۇرى. بۇل ونەردە سپورتشىنىڭ دايىندىعى مەن شەبەرلىگى وتە جوعارى دەڭگەيدە بولۋى كەرەك. ماسەلەن, وتكەن جىلعى بىرىنشىلىكتە قازاقستاندىق باۋىرجان مۇحامبەتالي ۇلى 12-13 جاستاعى ورەندەر اراسىندا وتكەن جارىستا ەڭ ۇزدىك بولىپ تانىلدى. بۇل جاعداي ءبىزدىڭ دەڭگەيىمىزدىڭ ءوسىپ كەلە جاتقاندىعىن اڭعارتادى», – دەپ اتاپ ءوتتى.
2016 جىلى مۋايتايدى حالىقارالىق وليمپيادا كوميتەتى رەسمي تۇردە مويىندادى. قازىرگى كەزدە سپورتتىڭ بۇل ءتۇرىن وليمپيادا قوعالىسىنا ەنگىزۋ بويىنشا جۇمىستار جۇرگىزىلۋدە. الداعى ۋاقىتتا قازاقستاندا «سپورت-اككورد» دەپ اتالاتىن دۇنيەجۇزىلىك جەكپە-جەك ويىندارى وتەدى. سول جارىس ارقىلى ءبىزدىڭ سپورتشىلار قىتايدا وتەتىن ازيا ويىندارىنىڭ قاتىسۋ مۇمكىندىگىنە يە بولۋعا ءتيىس.
عالىم سۇلەيمەن,
«Egemen Qazaqstan»
