وسىنداي شەكتەۋلەر وبلىسىمىزدا ءۇشىنشى جىل قاتارىنان وتكىزىلۋدە. بۇرىندارى كوكتەمدە ۇيرەكتەر مەن قۇرلاردى اتۋعا ەكى اپتاعا رۇقسات بەرىلەتىن.
زاڭسىز اڭ اتقانى ءۇشىن «جانۋارلار الەمىن پايدالانۋ تالاپتارىن جانە اڭ اۋلاۋ ەرەجەلەرىن بۇزۋ» قر اكىمشىلىك كودەكسىنىڭ 382 بابى بويىنشا ايىپپۇل قاراستىرىلعان. زاڭعا ساي جەكە تۇلعالارعا 5 اەك, شاعىن اسىپكەرلىك سۋبەكتىلەرى ءۇشىن 20 اەك, سونداي-اق ورتا جانە ءىرى سۋبەكتىلەرگە 50 جانە 100 اەك كولەمىندە ايىپپۇل سالىنادى.
ايىپپۇلمەن قوسا, زاڭ بۇزۋشىلار مەملەكەتتىك قازىناعا شىعىندى وتەۋى ءتيىس. بۇل سوما ولتىرگەن اڭنىڭ ءتۇرى مەن سانىنا بايلانىستى بولادى.
ايتا كەتۋ كەرەك, بيىلعى جىلى قاراعاندى وبلىسىندا قاسقىرلاردىڭ پوپۋلياتسياسىن رەتتەۋگە رۇقسات بەرىلگەن. ءبىر جىلدا ايماعىمىزداعى جالپى قاسقىرلار سانىنىڭ 10%6 ياعني 39 كوك بورىلەردى ولتىرۋگە رۇقسات ەتىلگەن. الايدا جىرتقىشتاردى تەك مالعا نەمەسە ادامدارعا شاپقان كەزدە عانا اتۋعا بولادى. ونداي جاعدايدا قاسقىر اتقىسى كەلەتىندەر اۋداندىق اكىمدىكتەن رۇقسات قاعازىن الۋى ءتيىس.
