كوشباسشىلىققا قادام
جۇما, 10 تامىز 2012 19:46
ەلورداداعى ۇلتتىق عىلىمي مەديتسينالىق ورتالىقتا وتكەن ءباسپاسوز ءماسليحاتى وسى ورتالىقتىڭ قاتىسۋىمەن ىسكە اسىپ جاتقان «عالامدىق كوشباسشىلىققا جەتۋ» جوباسىنىڭ ءبىرىنشى كەزەڭىنىڭ قورىتىندىلارىنا ارنالدى.
الدىمەن ءسوز العان «ۇلتتىق مەديتسينالىق ورتالىق» اكتسيونەرلىك قوعامىنىڭ ديرەكتورى اباي بايكەنجين «عالامدىق كوشباسشىلىققا جەتۋ» جوباسى تۋرالى اڭگىمەلەپ بەردى. بۇل اقش-تىڭ Stemedika كومپانياسى مەن ءوز ەلىمىزدەگى ۇلتتىق-عىلىمي ورتالىقتىڭ بىرلەسۋىمەن بەس جىلعا جوسپارلانعان ايتۋلى جوبالاردىڭ ءبىرى ەكەن. «جوبانىڭ ماقساتى, اتى ايتىپ تۇرعانداي, مەديتسينا سالاسىندا كوشباسشىلىققا جەتۋ.
جۇما, 10 تامىز 2012 19:46
ەلورداداعى ۇلتتىق عىلىمي مەديتسينالىق ورتالىقتا وتكەن ءباسپاسوز ءماسليحاتى وسى ورتالىقتىڭ قاتىسۋىمەن ىسكە اسىپ جاتقان «عالامدىق كوشباسشىلىققا جەتۋ» جوباسىنىڭ ءبىرىنشى كەزەڭىنىڭ قورىتىندىلارىنا ارنالدى.
الدىمەن ءسوز العان «ۇلتتىق مەديتسينالىق ورتالىق» اكتسيونەرلىك قوعامىنىڭ ديرەكتورى اباي بايكەنجين «عالامدىق كوشباسشىلىققا جەتۋ» جوباسى تۋرالى اڭگىمەلەپ بەردى. بۇل اقش-تىڭ Stemedika كومپانياسى مەن ءوز ەلىمىزدەگى ۇلتتىق-عىلىمي ورتالىقتىڭ بىرلەسۋىمەن بەس جىلعا جوسپارلانعان ايتۋلى جوبالاردىڭ ءبىرى ەكەن. «جوبانىڭ ماقساتى, اتى ايتىپ تۇرعانداي, مەديتسينا سالاسىندا كوشباسشىلىققا جەتۋ. ول بىرنەشە كەزەڭمەن ىسكە اسىرىلادى. اتاپ ايتار بولساق, ەلىمىزدە حالىقارالىق ستاندارتتاردىڭ جانە حاتتامالاردىڭ ەنگىزىلۋى, شەتەلدىك پاتسيەنتتەردىڭ قاتىسۋمەن بىرلەسكەن كلينيكالىق سىناقتار وتكىزۋ, ورتالىق بازاسىندا FDA (اقش) سەرتيفيكاتى بويىنشا وندىرىستىك زەرتحانا سالۋ, سونىمەن بىرگە FDA تالاپتارىنا سايكەس اقش ايماعىندا قازاقستاندىق جاسۋشا تەحنولوگيالارىن سىناقتان وتكىزۋ جانە حالىقارالىق پاتەنتتەر شىعارۋ بارىسىندا جوبادا كوزدەلگەن ماقساتتارعا جەتەمىز», – دەدى ورتالىق ديرەكتورى.
اتالعان جوبانىڭ شەڭبەرىندە 2010 جىلى ۇلتتىق مەديتسينالىق ورتالىقتا جاسۋشا تەحنولوگيالارى جانە ولاردى مەديتسينادا قولدانۋ ءۇشىن FDA (اقش) سەرتيفيكاتىمەن زەرتحانا اشىلعان. وسى زەرتحانادا اقش-تان كەلەتىن ناۋقاستاردى ەمدەۋگە كەلىسىم-شارت جاسالدى. العاشقى پاتسيەنتتەر 2010 جىلدىڭ جەلتوقسانىندا كەلە باستادى. «ءدىڭ جاسۋشالارى ارقىلى ترانسپلانتاتسيا جاساۋدىڭ قاۋىپسىزدىگى مەن ناتيجەلىلىگى بەلگىلى بولعان سوڭ, ءبىز امەريكالىق تاراپتارمەن كەلىسىم-شارتقا وتىردىق. بىراق بۇل جەردە تەك امەريكالىق پاتسيەنتتەردى ەمدەيمىز دەگەن وي تۋماۋى ءتيىس. ويتكەنى, ءبىز ەڭ الدىمەن ءوز وتانداستارىمىزعا كومەك كورسەتۋدى ماقسات ەتەمىز. وسى زەرتحانا اشىلعالى بەرى ءوز ەلىمىزدىڭ 3 جارىم مىڭداي تۇرعىنىنا ءدىڭ جاسۋشالارى ترانسپلانتتالدى. سونداي-اق, ءبىز وتانداستارىمىزعا تەگىن قىزمەت كورسەتەمىز», – دەدى اباي بايكەنجين.
ورتالىقتا وتكەن ءباسپاسوز ءماسليحاتىنا Stemedika كومپانياسىنىڭ ديرەكتورى دەۆيد حوۋ, ءتۇرلى اۋرۋلارعا شالدىققان, بىراق ءدىڭ جاسۋشالارىنىڭ كومەگىمەن جاعدايى جاقسارعان بىرنەشە امەريكالىق پاتسيەنتتەر قاتىستى. دەۆيد حوۋ قازاقستانداعى, ونىڭ ىشىندە ۇلتتىق عىلىمي مەديتسينالىق ورتالىقتاعى ءدىڭ جاسۋشالارى زەرتحاناسىنىڭ الەمدەگى تەڭدەسسىز زەرتحانالاردىڭ ءبىرى ەكەنىن, مۇندا ءوز ءىسىنىڭ ناعىز شەبەرلەرى ەڭبەك ەتىپ جاتقانىن ايتا كەلە, قازاقستاندىق ارىپتەستەرىنە ريزاشىلىق ءبىلدىردى.
ايگۇل سەيىلوۆا,
«ەگەمەن قازاقستان».
