ەڭسەلى ءبىلىم وشاعىندا پولشاداعى “AGROS SP.zo.و.” كومپانياسى كادر دەپارتامەنتىنىڭ ديرەكتورى اناستاسيا بەلوۆا بولىپ, اگروتەحنولوگيالىق فاكۋلتەتتىڭ وقىتۋشىلارىمەن كەزدەستى. وندا ۋنيۆەرسيتەت رەكتورى سەرىك ومىرباەۆ شەتەلدىك مەيمانعا وقۋ ورداسى جايلى ايتىپ بەردى. بۇدان كەيىن اناستاسيا سەرگەەۆنا ءوزى جۇمىس ىستەيتىن كاسىپورىن تۋرالى باياندادى. ونىڭ ايتۋىنشا, “G’s Fresh” اتتى ءىرى حالىقارالىق اگروحولدينگتىڭ فيليالى بولىپ تابىلاتىن “AGROS SP.zo.و.” كومپانياسى ەكولوگيالىق تازا كوكونىستەر وندىرۋمەن اينالىسادى.
«اگروحولدينگتىڭ يسپانيا, اقش, انگليا جانە چەحيا ەلدەرىندە فيليالدارى بار. ءبىزدىڭ كومپانيا ءوز ونىمدەرىن ەۋروپا ەلدەرىنە ەكسپورتتايدى. فيرماداعى جوعارى تەحنولوگيالىق ماشينالار ءونىمدى جيناۋ, تازالاۋ, وراۋ جانە مۇزداتۋ جۇمىستارىن ءبىر مەزگىلدە اتقارادى», دەدى ا. بەلوۆا.
ءوزارا كەلىسىم ناتيجەسىندە ۋنيۆەرسيتەتتىڭ “اگرونوميا” جانە “مال شارۋاشىلىعى ونىمدەرىن ءوندىرۋ تەحنولوگياسى” ماماندىقتارىندا وقيتىن ستۋدەنتتەر پولشاداعى كومپانيادا وندىرىستىك تاجىريبەدەن ءوتۋ مۇمكىندىگىنە يە بولدى. بيىل 40 ستۋدەنت شەتەلگە اتتانادى.
مۇنداي ارىپتەستىك بايلانىستاردىڭ جاستار ءۇشىن پايداسى مول. شەتەل كومپانياسى سولتۇستىكقازاقستاندىق ستۋدەنتتەردى جاتىن ورىنمەن قامتاماسىز ەتىپ, تەگىن تاماقتاندىرادى. سونداي-اق, تاجىريبە كەزىندە ستۋدەنتتەرگە ەڭبەكاقى تولەۋ جايى دا قاراستىرىلعان. سونىمەن قاتار كومپانيا ماماندارى تالىمگەرلەر ءۇشىن دۋالدى وقىتۋ جانە تەوريالىق ساباقتار جۇرگىزەتىن بولادى. اگروتەحنولوگيالىق فاكۋلتەتتىڭ وقىتۋشىلارىنا دا كومپانيا قابىرعاسىندا بىلىكتىلىكتەرىن ارتتىرۋ مۇمكىندىكتەرىبەرىلەدى.
اتالمىش كومپانيا قازاقستاننىڭ جوعارى وقۋ ورىندارىنىڭ اراسىندا العاش بولىپ جەرگىلىكتى ءبىلىم وشاعىمەن ارىپتەستىك ورناتىپ وتىر.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
