شاڭعى بىرىنشىلىگىنە اقتاۋ, اتىراۋ جانە اقتوبە گارنيزوندارىنان 57 اسكەري قىزمەتشى قاتىستى. كوماندالار 2 اسكەري قىزمەتشىدەن قۇرالدى, ولاردىڭ ءبىرى ەر ادام بولسا, ەكىنشىسى ايەل ادام, قالعاندارى جەكە قاتىسۋشى رەتىندە شىقتى. جارىس ەكى ەتاپتان قۇرالدى, ولار «پاترۋلدەر ەستافەتاسى» مەن «پاترۋلدەر جارىسى» دەپ اتالادى. جارىس ديستانتسياسىنا اسكەري قىزمەتشىلەر اسكەري كيىم ۇلگىسىندە شىقتى. پاترۋلدەر ەستافەتاسى 10 كم اراقاشىقتىقتان تۇرادى, ونىڭ 5 كم ەر ادام, ال 5 كم ايەل ادام وتەدى. پاترۋلدەر جارىسىنا كوماندا ستارتتان بىرگە شىعىپ, ىلەسىپ جۇرەدى, ۋاقىت كوماندانىڭ سوڭعى مۇشەسى مارە سىزىعىن وتكەن بويدا توقتاتىلادى.
«باتىس» وڭىرلىك قولباسشىلىعىنىڭ دەنە تاربيەسى جانە سپورت قىزمەتىنىڭ باستىعى مايور مەدەت ق ۇلىبەكوۆتىڭ ايتۋىنشا, بۇل جارىستا بارلىعى كوماندالىق جۇمىسقا بايلانىستى, سەبەبى سپورتشىنىڭ تەحنيكاسى دا, شىدامدىلىعى دا ءمىنسىز بولعانىمەن, قورتىندى ناتيجە ونىڭ سەرىكتەستەرىنە بايلانىستى بولادى.
جارىس قورىتىندىسى بويىنشا جالپى كوماندالىق ەسەپتە ءبىرىنشى ورىندى اتىراۋ قالاسىنىڭ 41433 اسكەري ءبولىمى, 2 ورىندى – اقتاۋلىق 25744 اسكەري ءبولىمى, ال 3 ورىندى اقتوبەلىك 30238 اسكەري ءبولىمى يەلەندى. ەندىگى كەزەكتە, جارىس جەڭىمپازدارى 1-3 ناۋرىز كۇندەرى ششۋچينسك قالاسىندا وتەتىن قارۋلى كۇشتەردىڭ چەمپيوناتىنا قاتىسادى.
قازاقستان رەسپۋبليكاسىنىڭ قارۋلى كۇشتەرىندە دەنە دايارلىعى جاۋىنگەرلىك دايارلىقتىڭ ايىرىلماس بولىگى بولىپ تابىلادى. وفيتسەرلەر مەن كەلىسىمشارت بويىنشا اسكەري قىزمەتشىلەر تۇراقتى تۇردە پرەزيدەنتتىك نورماتيۆتەردى, ءبىر ايدا ءبىر رەت كەزەكتى سىناقتى, ال ءبىر جىلدا ءبىر رەت قورتىندى تەكسەرىستى تاپسىرادى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
