ويتكەنى, كۇن قىزۋىنان سىر بويىنداعى مۇزداقتار تۇتاسىپ قىزىل سۋ جاعاعا شىعىپ كەتۋى مۇمكىن. بۇگىندە شاردارا سۋ قويماسىندا 4,4 ملرد. تەكشە مەتر سۋ بار. ودان شىققان 700 تەكشە مەتر سۋدىڭ 390-ى سىرداريا ارقىلى قىزىلورداعا, قالعانى كوكساراي سۋ رەتتەگىشىنە تۇسەدى. كوكتەمدە سەڭ جۇرسە سۋ بەكەتتەرىنە قيىندىق تۇسەرى ءسوزسىز. سوندىقتان, سۋ جايىلۋى مۇمكىن ايماقتار ناقتىلانىپ, قاۋىپتىڭ الدىن الۋ جۇمىستارى پىسىقتالۋدا.
- سۋ رەسۋرستارى كوميتەتىمەن كەلىسە وتىرىپ, «شاردارادان», «كوكسارايدان» تومەنگە قاراي بوساتىلاتىن سۋدى الۋ ماقساتىندا كەستەسى بەكىتىلدى. ماگيسترالدىق كانالدارىمىز جانە كولدەر جۇيەسى ازىرلەندى. ارال اۋدانىندا امانوتكەل ەلدى مەكەنى تۇسىنداعى 758 مەتردى قۇرايتىن قورعانىس بوگەتتەرىندە, قازالى اۋدانىندا اباي ەلدى مەكەنىندە 3 شاقىرىمنان تۇراتىن قورعانىس بوگەتىندە, جالاعاش اۋدانىندا جانە قىزىلوردا قالاسىنىڭ تۇسىنداعى «لەسحوز» ۋچاسكەسىندە قورعانىس بوگەتتەرىن نىعايتۋ جۇمىستارى جۇرگىزىلىپ جاتىر,-دەيدى وبلىستىق جۇمىلدىرۋ دايىندىعى باسقارماسىنىڭ باسشىسى اسىلبەك شامەنوۆ.
باقتيار تايجان,
«Egemen Qazaqstan».
قىزىلوردا وبلىسى
