وسى ورايدا وڭىردەگى ستارتاپ اكادەميا ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ رەكتورى باۋىرجان ەردەنبەكوۆتىڭ باستاماسىمەن اشىلعانىن ايتا كەتكەن ءجون. مۇندا تىگىن تسەحى, بيولوگيالىق زەرتحانا, ءمۇسىن جاساۋ شەبەرحاناسى جانە اسپازدىق بولمەلەر جابدىقتالعان. قازىرگى كەزدە ستارتاپ اكادەميا وزدەرى ويلاستىرعان جوبالارعا سايكەس وڭىردەگى برەند تاۋارلار ءتۇرىن كوبەيتىپ, ونى ءتيىمدى پايدالانۋ جولدارىن بەلگىلەدى.
سونىڭ ءبىرى – تارى. ء«بىزدىڭ قازىرگى ماقساتىمىز وسى ستراتەگيالىق داقىلدان جاسالاتىن ءونىم تۇرلەرىن كوبەيتۋ. بۇل وزدىگىنەن پايدا بولاتىن ءىس ەمەس. سوندىقتان ستارتاپ-الاڭىنان وسى جوبانى ىسكە اسىرۋعا يكەمى بار بولاشاق كاسىپكەرلەردى ازىرلەۋدى, ولارعا بيزنەستىڭ قىر-سىرىن تانىستىرۋدى كوزدەپ وتىرمىز», دەيدى جوبا يەسى, ۋنيۆەرسيتەت رەكتورى ب.ەردەنبەكوۆ. ونىڭ ايتۋىنشا, ستارتاپ اكادەميادا يدەيالار مەن جوبالار ءبىر-بىرىمەن توعىسىپ جاتۋى ءتيىس. «بۇل باعىتتا ءبىز كەم دەگەندە ستۋدەنتتەرىمىزدىڭ ەلۋ پايىزىن وسى الاڭنان تاجىريبە جيناقتايتىنداي ءىس-شارالار كەشەنىنە بەلگىلەدىك. قازىرگى ءىستىڭ بارىسى جاقسى ءارى وڭ ناتيجەگە قول جەتكىزە الاتىنىمىزدى كورسەتەدى», دەيدى رەكتور. اقتوبەدە ستارتاپ اكادەميانىڭ اشىلۋى بيىلعى جاستار جىلىمەن تۇسپا-تۇس كەلىپ وتىرعانى دا ءىستىڭ ومىرشەڭدىگىن تانىتادى. ءبىر سوزبەن ايتقاندا, ستارتاپ جوبالار كاسىپكەرلىكتى دامىتۋدىڭ نەگىزى دەسە دە بولادى. ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتى بۇل ىلكىمدى ءىستى جالاڭ باستاماعانىن دا ايتۋعا ءتيىسپىز. مىسالى, ايتۋلى جوعارى وقۋ ورنى 2017 جىلدىڭ اياعىندا «ستارتاپ-2017» بايقاۋىن وتكىزىپ, بولاشاقتا باستالاتىن ءىستىڭ الدىمەن الىپپەسىن اشقان. العاشقى بايقاۋ تەك ءسوز جۇزىندە قالماي, ناقتى ءىستىڭ اتقارىلۋىنا سەپتىگىن تيگىزگەنى بۇگىنگى وڭ قادامدارعا باستاما بولعان.
وسى بايقاۋدا باس بايگەنى يەلەنگەن «اقىلدى بالاباقشا» جوباسى بۇگىندە «زەرەك» اتتى بالالاردى دامىتۋ ورتالىعىنا اينالعان. ءارى مۇنى ۋنيۆەرسيتەت ۇجىمىنىڭ الەۋمەتتىك باعىتتاعى ستارتاپتاردى دامىتۋ ىسىندەگى تۇڭعىش تابىسى دەپ تە باعالاعان ورىندى. وتكەن 2018 جىلى دا ۋنيۆەرسيتەتتە ستارتاپ اكادەميانى اشۋ ءۇشىن جان-جاقتى ۇيىمداستىرۋ جۇمىستارى جۇرگىزىلگەن. سونىڭ نايجەسىندە جاستاردى الەۋمەتتىك پايدالى جۇمىستارعا تارتۋ جونىندە لايىقتى قادامدار جاسالعان. وسى جىلى رەسپۋبليكادا وتكىزىلگەن «جاس پرودجەكت» بايقاۋىنا اتالعان وقۋ ورنىنان 11 ءوتىنىم بەرىلىپ, ونىڭ ىشىندە 6 ستارتاپ گرانت يەگەرى اتانعانىن اتاپ ايتۋعا بولادى. سونداي-اق اتالعان ۋنيۆەرسيتەت ستۋدەنتتەرى جەتى ميلليون تەڭگەنى ۇتىپ العانى رەسپۋبليكاداعى وڭىرلىك جوعارى وقۋ ورىندارى اراسىنداعى جوعارى كورسەتكىش.
ۋنيۆەرسيتەتتەگى ستارتاپ-جوبالار اقتوبە وبلىستىق كاسىپكەرلىك باسقارماسىمەن بىرلەسكەن تۇردە جۇزەگە اسىرىلىپ كەلەدى. مۇنداي جۇمىستار وقۋ ورنىنىڭ وڭىردەگى ينتەللەكتۋالدى رەسۋرستاردى شوعىرلاندىرۋ ورتالىعىنا اينالۋىنا مۇمكىندىك بەرەدى.
تەمىر قۇسايىن,
«Egemen Qazaqstan»
اقتوبە
