سپورت • 23 اقپان، 2019

«الماتى مارافونىنىڭ» جۇگىرۋ ماۋسىمى اشىلدى

423 رەتكورسەتىلدى

23 اقپان كۇنى تۇڭعىش پرەزيدەنت ساياباعىندا قىسقى جۇگىرۋ جارىسى ءوتتى

جارىستى 3 كم قاشىقتىققا جۇگىرۋدەن باق سىناساتىن بالالار باستادى. جاس جۇگىرۋشىلەر اراسىندا رامازان اينەگوۆ جەڭىپاز اتانسا، قىزدار اراسىندا ديانا حانچي مارەگە ءبىرىنشى بولىپ جەتتى.

نەگىزگى قاشىقتىققا (10 كم) جۇگىرۋ جارىسىنا قاتىسۋشىلار اراسىنان 33 مينۋت 13 سەكۋندتا كەلىپ، ەكىنشى مارەشىدەن نەبارى 52 سەكۋندقا الدا كەلگەن ميحايل كراسيلوۆ، قىزدار اراسىندا 43 مينۋت 42 سەكۋندتا جاقسى ناتيجە كورسەتكەن اناستاسيا چەرنايا جەڭىپاز اتاندى. قىسقى جۇگىرۋ جارىسىنىڭ ەڭ جۇيرىك قاتىسۋشىلارىنا ءبىرىنشى ورىن ءۇشىن 50 000 تەڭگە، ەكىنشى ورىن ءۇشىن 30 000 تەڭگە جانە ءۇشىنشى ورىن ءۇشىن 20 000 تەڭگە كولەمىندە اقشالاي جۇلدە بەرىلدى. 

- بۇگىن سورەگە شامامان 1200 جۇگىرۋشى شىقتى. قاتىسۋعا نيەت بىلدىرۋشىلەردىڭ سانى جىل سايىن ارتىپ كەلەدى. بۇل سپورتتىڭ تەك دەنە ءبىتىمى مەن دەنساۋلىقتى كۇتۋ ءتاسىلى عانا ەمەس، سونىمەن بىرگە  زاماناۋي ءساندى ترەندكە اينالعانىن كورسەتەدى. ۇيىمداستىرۋشىلار رەتىندە مۇنداي قىزىعۋشىلىقتى قولداپ، اۋەسقوي سپورتشىلارعا سپورتپەن جەڭىل ءارى دۇرىس شۇعىلدانۋعا كومەكتەسۋدى ماقسات تۇتامىز، - دەدى ء«بىرىنشى بولۋ - باتىلدىق» كورپوراتيۆتىك قورىنىڭ ديرەكتورى سالتانات قازىباەۆا.

اي سايىن «الماتى مارافونى» اياسىندا قالانىڭ بەلگىلى جۇگىرۋشىلەرى، دارىگەرلەرى مەن سپورتشىلارىنىڭ قاتىسۋىمەن اشىق دارىستەر وتەدى. سونىمەن بىرگە ءار سەنبى سايىن ساعات 10:00-دە تۇڭعىش پرەزيدەنت ساياباعىندا جۇگىرۋدەن تەگىن جاتتىعۋلار وتەدى. جۇگىرۋ جارىستارى كەزىندە اتلەتتەردىڭ دەنساۋلىعىنا ايرىقشا كوڭىل بولىنەدى.

- جۇرەك - جۇگىرۋشىنىڭ باستى بۇلشىقەتى. ونىڭ جەتكىلىكتى دامۋى جۇگىرۋشىلەردىڭ توزىمدىلىگى مەن جالپى جاعدايىنا اسەر ەتەدى، – دەيدى جارىستىڭ قۇرمەتتى سەرىكتەسى، «Cardios» كلينيكاسىنىڭ كارديولوگ دارىگەرى بيبىگۇل تولەگەنوۆا. – دەنە مۇشەسىنىڭ جۇمىس قابىلەتىن تەكسەرۋ ءۇشىن كلينيكالاردا دەمالىس كەزىندەگى ەكگ جانە قوزعالىس كەزىندەگى ەكگ كومەگىمەن جۇرەكتى ستاندارتتى تەكسەرىستەن وتكىزگەن ءجون.

 سپورتتىق-مەديتسينالىق تەكسەرىستىڭ باستى مىندەتى – اعزانىڭ ءتۇرلى دەڭگەيدەگى سالماقتارعا جاۋاپ بەرۋىن باقىلاۋ. بۇل جاتتىعۋدىڭ قاجەتتى قارقىنىن تاڭداۋعا جانە تەزىرەك العا قويعان ماقساتقا جەتۋگە، ياعني  بۇلشىقەت ماسساسىن وسىرۋگە، مايدىڭ پايىزىن ازايتۋعا، توزىمدىلىكتى ارتتىرۋعا كومەكتەسەدى. تەكسەرىستەن ءوتۋ سونىمەن بىرگە بولاشاقتا قيىندىق تۋدىرۋى مۇمكىن زاقىمداردى انىقتاۋعا سەپتىگىن تيگىزەدى. پاتولوگيا انىقتالسا، جۇگىرۋدىڭ ورنىنا اسىقپاي جۇرگەن الدەقايدا پايدالى.  

قىسقى جۇگىرۋ جارىسى – ءساۋىردىڭ 21-دە وتەتىن «الماتى مارافونى» 2019 ءىرى سپورتتىق شاراسىنا دايىندىق كەزەڭىندەگى ءبىرىنشى ماۋسىمدىق سورە. ورتالىق ازياداعى ەڭ ۇلكەن سپورتتىق شاراعا تىركەلۋ  almaty-marathon.kz سايتىندا ءساۋىردىڭ 1-نە دەيىن اشىق بولادى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار