ەو ارنايى وكىلىنىڭ قازاقستانعا ساپارى ەۋرووداقتىڭ ورتالىق ازيا بويىنشا جاڭا ستراتەگياسىنىڭ قابىلدانۋى قارساڭىندا قۇجاتتىڭ باسىم باعىتتارىن ءوڭىر ەلدەرىمەن اقىلداسۋ ماقساتىندا وتۋدە. سوڭعى ەكى جىل بويى قازاقستان ايماقتاعى كورشىلەس ەلدەرمەن بىرگە قۇجاتتى دايىنداۋ شەڭبەرىندە ساپالى ءارى مازمۇندى يدەيالار مەن ۇسىنىستار جولداعان بولاتىن.
پ. بۋريان قازاقستاندىق تاراپقا جاڭا ستراتەگيانىڭ مازمۇنىنا قاتىستى كونسترۋكتيۆتى ۇسىنىستارى ءۇشىن العىسىن ءبىلدىردى جانە ونىڭ ءتيىمدى ىسكە اسىرىلۋى بارلىق مۇددەلى تاراپتارعا تيەسىلى ەكەندىگىن اتاپ ايتتى.
كەزدەسۋ بارىسىندا ادامي كاپيتالدى دامىتۋ, قۇقىق ۇستەمدىگىن جانە ساپالى مەملەكەتتىك باسقارۋدى قامتاماسىز ەتۋ, شاعىن جانە ورتا بيزنەستى دامىتۋ, جالپى تسيفرلاندىرۋ, كولىكتىك-لوگيستيكالىق ينفراقۇرىلىمدى دامىتۋ, ەنەرگيا تيىمدىلىگىن ارتتىرۋ, جاسىل تەحنولوگيالار, قورشاعان ورتانى قورعاۋ, سۋ رەسۋرستارىن ءتيىمدى پايدالانۋ جانە قاۋىپسىزدىك سياقتى باعىتتاردىڭ جاڭا ستراتەگيادا قامتىلۋ ماڭىزدىلىعى اتاپ ءوتىلدى.
ءمينيستردىڭ مىندەتىن اتقارۋشى بولاشاق ستراتەگيانى يمپلەمەنتاتسيالاۋ تەتىگىنە باستى نازار اۋدارا وتىرىپ, دامۋ جوبالارىن ءتيىمدى ىسكە اسىرۋدى جانە رەسۋرستاردى ءتيىمدى پايدالانۋدى قامتاماسىز ەتۋگە باعىتتالعان بىرقاتار ناقتى ۇسىنىستاردى جەتكىزدى. وا ەلدەرىن دامىتۋعا جاردەمدەسۋگە باعىتتالعان ەۋرووداقتىڭ ايتارلىقتاي ايماقتىق جوبالىق قىزمەتتى جۇزەگە اسىراتىنىن ەسكەرە وتىرىپ, جاڭا ستراتەگيا شەڭبەرىندە ايماقتاعى ەو جوبالىق قىزمەتىنىڭ اۋقىمىن ساقتاۋ قاجەتتىلىگى تۋرالى ايتىلدى.
ىنتىماقتاستىقتىڭ پەرسپەكتيۆالىق باعىتتارىنىڭ ءبىرى رەتىندە اعىمداعى جىلى ەو قاراجاتى ەسەبىنەن قازاقستاننىڭ جوعارى وقۋ ورىندارىندا اۋعانستان قىزدارىن وقىتۋدىڭ بىرلەسكەن باعدارلاماسىن ىسكە قوسىلۋى اتاپ ءوتىلدى. تاراپتار ءبىلىم بەرۋ جوباسىنىڭ اۋعانستانداعى ايەلدەر مەن بالالاردىڭ جاعدايىن جاقسارتۋعا, سونداي-اق جالپى وسى ەلدەگى جاعدايدى رەتتەۋگە ىقپال ەتەتىنىنە كەلىستى.
ايماقتىق ىنتىماقتاستىق ماسەلەلەرىن تالقىلاي كەلە, تاراپتار ورتالىق ازياداعى سوڭعى جىلدارى جوعارى ديناميكامەن ەرەكشەلەنىپ كەلە جاتقان ساياسي جانە ەكونوميكالىق پروتسەستەردى اتاپ ءوتتى. بۇل ءوز كەزەگىندە ءوزارا ءتيىمدى سەرىكتەستىكتىڭ بارلىق سپەكترى بويىنشا جاڭا پەرسپەكتيۆالار اشاتىن بولادى.
قر-ەو ەكىجاقتى ىنتىماقتاستىق ماسەلەلەرىن تالقىلاۋ اياسىندا, ارنايى وكىل پ. بۋريان قازاقستاننىڭ ساۋدا-ەكونوميكالىق ىنتىماقتاستىقتى تەرەڭدەتۋ, قازاقستاندىق ەكسپورتتى ۇلعايتۋ, ەكونوميكانىڭ باسىم سەكتورلارىنا ەۋروپالىق ينۆەستيتسيالاردى تارتۋ, ءبىزدىڭ ازاماتتارىمىز ءۇشىن ەو ۆيزالىق رەجيمىن جەڭىلدەتۋ ماقساتىندا ديالوگتى دامىتۋ نيەتى تۋرالى حاباردار ەتتى.
تاراپتار قازاقستان رەسپۋبليكاسى مەن ەۋروپالىق وداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمنىڭ (كاىك) كۇشىنە ەنۋ پەرسپەكتيۆالارىن تالقىلادى جانە ونىڭ ءوزارا مۇددەلى كوپتەگەن سالالاردا ەكىجاقتى ىنتىماقتاستىققا جاڭا مۇمكىندىكتەر اشادى.
سونىمەن كاتار, ءمينيستردىڭ مىندەتىن اتقارۋشى سۇحباتتاسىن قر سىرتقى ساياساتىنىڭ ەكونوميكالىق قۇرامداس بولىگىن كۇشەيتۋ جونىندەگى سىرتقى ساياسي ۆەدومستۆونىڭ جاڭا مىندەتتەرىمەن تانىستىردى. اتاپ ايتقاندا, قازاقستان ەۋروپالىق ۆەكتورىندا, ەڭ الدىمەن, ساۋدا-ەكونوميكالىق جانە ينۆەستيتسيالىق ىنتىماقتاستىقتى تەرەڭدەتۋگە باعىتتالعانى تۋرالى اتاپ ءوتىلدى.
2018 جىلى تاۋار اينالىمى 37,7 ملرد اقش دوللارىن قۇرادى, 2018 جىلدىڭ ءبىرىنشى جارتىسىندا قازاقستاننىڭ ەكونوميكاسىنا تارتىلعان تىكەلەي شەتەلدىك ينۆەستيتسيالاردىڭ جالپى كولەمى 12,3 ملرد دوللارعا جەتتى. بۇگىنگى تاڭدا قازاقستاندا ەۋروپالىق كومپانيالاردىڭ قاتىسۋىمەن شامامەن 3 ملرد اقش دوللارى كولەمىندە 24 ينۆەستيتسيالىق جوبا جۇزەگە اسىرىلۋدا. ەو قازاقستاننىڭ ساۋدا سەرىكتەستەرى اراسىندا ءبىزدىڭ تاۋار اينالىمىنىڭ جالپى كولەمىندە شامامەن 50% ۇلەسپەن كوشباسشىلىقتى ساقتاپ وتىر. وسى كولەمدى ساقتاپ قانا قويماي, ولاردى ۇلعايتۋ باعىتىندا جۇمىس ىستەۋ قاجەتتىلىگى اتاپ ءوتىلدى.
كەزدەسۋ سوڭىندا تاراپتار اعىمداعى جىلى وتە مازمۇندى بولاتىن ەو-وا جەلىسى بويىنشا الداعى ءىس-شارالار كەستەسىن تالقىلادى.
جالپى العاندا, كەلىسسوزدەر قازاقستان مەن ەۋروپالىق وداق اراسىنداعى قالىپتاسقان ستراتەگيالىق قاتىناستار دەڭگەيىنە ءتان سەنىمدى جانە ءداستۇرلى دوستىق اتموسفەراسىندا وتكىزىلدى.
پ. بۋريان ساپارىنىڭ باعدارلاماسىنا سايكەس پارلامەنت سەناتى مەن ءماجىلىستىڭ ءتيىستى كوميتەتتەرىنىڭ باسشىلىعىمەن كەزدەسۋلەر كوزدەلگەن.
