جۇرەك سوعۋىن توقتاتپاسىن
سەنبى, 9 ماۋسىم 2012 7:48
كەشە الماتىدا «Almaty Towers» بيزنەس-كەشەنىندە 6-8 ماۋسىمارالىعىندا وتكەن قازاقستان كارديولوگتارىنىڭ ءىV كونگرەسى ءوز جۇمىسىناياقتادى. «پراكتيكالىق كارديولوگياعا يننوۆاتسيالىق تەحنولوگيالار»تاقىرىبىندا وتكەن القالى جيىنعا ەلىمىزدىڭ بارلىق ايماعىنان 300-گەتارتا دەنساۋلىق ساقتاۋ سالاسىنىڭ جەتەكشىلەرى, باس ماماندار,كارديولوگتار مەن كارديوحيرۋرگتەر, سونىمەن قاتار بەلگيا, پورتۋگاليا,گەرمانيا, يزرايل, ۆەنگريا, يتاليا, يسپانيا, رەسەي, بەلارۋس, ۋكراينا,قىرعىزستان, ت.ب. ەلدەردەن ارنايى شاقىرىلعان بىلىكتى ماماندار قاتىستى.
سەنبى, 9 ماۋسىم 2012 7:48
كەشە الماتىدا «Almaty Towers» بيزنەس-كەشەنىندە 6-8 ماۋسىمارالىعىندا وتكەن قازاقستان كارديولوگتارىنىڭ ءىV كونگرەسى ءوز جۇمىسىناياقتادى. «پراكتيكالىق كارديولوگياعا يننوۆاتسيالىق تەحنولوگيالار»تاقىرىبىندا وتكەن القالى جيىنعا ەلىمىزدىڭ بارلىق ايماعىنان 300-گەتارتا دەنساۋلىق ساقتاۋ سالاسىنىڭ جەتەكشىلەرى, باس ماماندار,كارديولوگتار مەن كارديوحيرۋرگتەر, سونىمەن قاتار بەلگيا, پورتۋگاليا,گەرمانيا, يزرايل, ۆەنگريا, يتاليا, يسپانيا, رەسەي, بەلارۋس, ۋكراينا,قىرعىزستان, ت.ب. ەلدەردەن ارنايى شاقىرىلعان بىلىكتى ماماندار قاتىستى.
ءتورتىنشى مارتە ۇيىمداستىرىلعان كونگرەستىڭ العاشقى كۇنى تەك شەبەرلىك-سىنىبىنا ارنالدى. كارديولوگيا جانە ىشكى اۋرۋلار عزي, الماتى قالالىق كارديولوگيا جانە سىزعانوۆ اتىنداعى ۇلتتىق عىلىمي حيرۋرگيا ورتالىقتارىندا وتكەن شەبەرلىك سىنىبىندا ماسكەۋدەگى رمعا-نىڭ باكۋلەۆ اتىنداعى جۇرەك-قان تامىرلارى حيرۋرگيا عىلىمي ورتالىعىنىڭ اعا عىلىمي قىزمەتكەرلەرى ن.ن.لوميدزە, ا.ۆ.ستافەروۆ, استاناداعى ۇلتتىق عىلىمي كارديوحيرۋرگيا ورتالىعىنىڭ بولىمشە جەتەكشىسى س.ا.ءالىمباەۆتار جۇرەككە وتا جاساۋداعى ۇزدىك جەتىستىكتەرىمەن تاجىريبە ءبولىستى.
كەلەسى كۇنى القالى جيىن دەنساۋلىق ساقتاۋ ءمينيسترى س.قايىربەكوۆانىڭ دەلەگاتتارعا جولداعان قۇتتىقتاۋ سوزىمەن اشىلدى. وندا اتالمىش كونگرەستىڭ ەلىمىزدىڭ دەنساۋلىق ساقتاۋ سالاسىنداعى ماڭىزدى وقيعالاردىڭ ءبىرى بولىپ تابىلاتىنى, تۇراقتى وتكىزىلەتىن مۇنداي باسقوسۋلار وتاندىق كارديولوگيا قىزمەتىنىڭ نەگىزگى ستراتەگيالىق باعىتتارى مەن باسىمدىقتارىن ايقىن كورسەتەتىنى, پراكتيكالىق كارديولوگياعا جاڭا يننوۆاتسيالىق مەديتسينالىق تەحنولوگيالاردى ەندىرۋگە كومەكتەسىپ, مامانداردىڭ كاسىبي شەبەرلىگىن ارتتىرۋعا سەپتىگىن تيگىزەتىنى ايتىلدى. سونداي-اق قۇتتىقتاۋ لەبىز بىلدىرگەن قازاقستان كارديولوگتار قاۋىمداستىعىنىڭ پرەزيدەنتى ءسالىم بەركىنباەۆ مۇنداي جيىندار بىرىنشىدەن, ايگىلى شەتەلدىك جانە وتاندىق عالىمداردى, پراكتيكالىق ءدارىگەر-كارديولوگتاردى, تەراپەۆتەردى, كارديوحيرۋرگتاردى مەملەكەتتىك مەكەمەلەر وكىلدەرىمەن بىرگە باس قوسۋعا مۇمكىندىك بەرەتىن ماڭىزدى ءىس-شارا ەكەنىنە توقتالا كەلىپ, كونگرەسس جۇمىسىنا قاتىسۋعا ارنايى كەلگەن ەۋروپالىق كارديولوگتار قوعامىنىڭ ۆيتسە-پرەزيدەنتى, پروفەسسور فاۋستو پينتوعا ەرەكشە العىس ءبىلدىردى.
بارشاعا ايان, ەلىمىزدە جۇرەك اۋرۋلارى ءولىم-ءجىتىم بويىنشا ءبىرىنشى ورىندا تۇر. 2006-2008 جىلدارى جۇرەك-قان تامىرى اۋرۋىنان جىلىنا 80 مىڭ ادام قايتىس بولسا, سوڭعى ەكى جىلدا بۇل كورسەتكىش 71-72 مىڭعا تومەندەگەن. بۇل ارينە, جامان كورسەتكىش ەمەس. ال اۋىراتىندار سانى بۇگىندە گيپەرتونيالىق, جۇرەك-قان تامىرلارى اۋرۋلارىن قوسقاندا 1 ميلليوننان اسىپ وتىر. دەسەك تە, قازاقستاندا 2007-2009 جىلدارعا ارنالعان كارديولوگيا جانە كارديوحيرۋرگيا سالاسىن دامىتۋ ماقساتىندا باعدارلامالار قابىلدانىپ, ونىمەن قاتار ەلباسىنىڭ بيىلعى جولداۋىندا ادام الەۋەتىنىڭ دەڭگەيىن ارتتىرۋدا كورسەتىلگەن مەديتسينالىق قىزمەتتەردىڭ قول جەتىمدىلىگى مەن ساپاسى, سالاماتتى ءومىر سالتىن قالىپتاستىرۋدى ناسيحاتتاۋ ماڭىزدى باعىت بولىپ تابىلاتىنى ايتىلعان. مىنە, بۇگىندە سول باعدارلامالار مەن مىندەتتەردى جۇزەگە اسىرۋدىڭ ناتيجەسىندە جاقسى كورسەتكىشتەرگە قول جەتىپ وتىر.
– ەگەر 2006 جىلى جۇرەك-قان تامىرلارى اۋرۋىنان ءولىم كورسەتكىشى رەسپۋبليكا بويىنشا 100 مىڭ ادامعا شاققاندا 526 ادامنان كەلسە, 2011 جىلى 319 ادامعا كەمىگەن, – دەدى بىزگە كونگرەستىڭ وتكىزىلۋ ماقساتىنا توقتالعان كارديولوگيا جانە ىشكى اۋرۋلار عزي ديرەكتورى, مەديتسينا عىلىمدارىنىڭ دوكتورى پروفەسسور ءسالىم بەركىنباەۆ. – ونىڭ سەبەبى, ءبىرىنشىدەن, 2007 جىلى ەلباسى تاپسىرماسىمەن ۇكىمەت قازاقستاندا كارديولوگيا مەن كارديوحيرۋرگيا سالالارىن دامىتۋ جونىندە قابىلداعان مەملەكەتتىك باعدارلاما بويىنشا ەلىمىزدە ءتورت-بەس كارديوحيرۋرگيالىق ورتالىق, بارلىق وبلىس ورتالىعىندا كارديوحيرۋرگيالىق جانە ينتەرۆەنتسيالىق كارديولوگيا ءبولىمشەلەرى اشىلدى. بۇرىندارى جۇرەك-قان تامىرلارى اۋرۋلارىنا كوبىنەسە كونسەرۆاتيۆتىك ەم جۇرگىزىلسە, قازىر الەمدىك حيرۋرگيالىق تاسىلدەرمەن ەمدەۋگە كوشتىك. مىنە, كونگرەستە سول قول جەتكىزگەن جەتىستىكتەرىمىز بەن ناتيجەلەرىمىزدى ورتاعا سالدىق. ەكىنشىدەن, ءولىم-ءجىتىمدى ودان ءارى ازايتۋ ءۇشىن جۇرەك-قان تامىرلارى اۋرۋىنىڭ الدىن الىپ, ونىڭ وزىمەن ەمەس, سەبەپ-سالدارىمەن كۇرەسۋ قاجەتتىگى ءسوز بولدى. ياعني قازاقستاندا پروفيلاكتيكالىق مەديتسينانى دامىتۋدى ۇيىمداستىرۋدى قولعا الۋىمىز كەرەك. سونداي-اق جيىندا كوتەرىلگەن باستى ماسەلەنىڭ ءبىرى, بۇعانعا دەيىن كارديولوگيالىق كلينيكانىڭ سالالارى – كارديولوگيا, كارديوحيرۋرگيا مەن ينتەرۆەنتسيالىق كارديولوگيا ارقايسىسى بولەك بولسا, ەندىگى ماقساتىمىز بارلىعىمىز ءبىر قاۋىمداستىققا ءبىرىگىپ, بىرگە جۇمىلا جۇمىس جاساۋ.
كونگرەسس جۇمىسىنا وزدەرىنىڭ ۇلكەن جەتىستىكتەرىمەن كەلىپ وتىرعانىن جەتكىزگەن الماتى وبلىستىق كارديولوگيا ورتالىعىنىڭ باس دارىگەرى راحىمبەردى سۇلتانبەكوۆ ورتالىقتاعى وزىق تەحنولوگيالاردى پايدالانۋدىڭ ناتيجەسىندە وتكەن جىلى 100 مىڭ ادامعا شاققاندا ءجۇرەك اۋرۋلارىنىڭ نەگىزگى ءتۇرى بويىنشا ءولىم-ءجىتىمنىڭ 200-دەن 52,2-گە دەيىن ازايعانىن تىلگە تيەك ەتتى. ماسەلەن, تالدىقورعان قالاسىنا 2008 جىلى جاڭا قۇرال-جابدىقتار اكەلىنىپ, 2009 جىلدان باستاپ وبلىس حالقىنا جوعارى دارەجەلى كارديوحيرۋرگيا قىزمەتتەرى كورسەتىلە باستاعان. قازىر ولار بىرقاتار كۇردەلى وپەراتسيالاردى وبلىستىق ورتالىقتا جاساۋدا. مىسالى, بۇرىن تەك ەرەسەكتەردىڭ جۇرەگىنە عانا وتا جاسالىپ كەلسە, اعىمداعى جىلدان باستاپ جاس بالالاردىڭ تۋا بىتكەن جۇرەك اۋرۋلارىنا دا وپەراتسيا جاساۋ جوسپارلانىپ وتىر.
سونىمەن قاتار, كونگرەسس اياسىندا «جۇرەكتىڭ يشەميا اۋرۋىمەن جانە سوزىلمالى ءجۇرەك كەمىستىگىمەن اۋىراتىنداردى ەمدەۋ مەن الدىن الۋدىڭ زاماناۋي اسپەكتىلەرى», ت.ب. ساتەلليتتىك سيمپوزيۋمدار مەن «كارديولوگيا جانە كارديوحيرۋرگياداعى دياگنوستيكالاۋ مەن ەمدەۋدىڭ جاڭا تەحنولوگيالارى» سەكتسياسى بويىنشا تمد ەلدەرىنەن كەلگەن ماماندار ءدارىس وقىدى. جيىن سوڭىندا كارديوحيرۋرگيا سالاسىن جەتىلدىرۋگە قاتىستى قارار قابىلداندى.
گۇلزەينەپ سادىرقىزى,
«ەگەمەن قازاقستان».
