ءداستۇر مەن قازىرگى زامان توعىسىندا
جۇما, 8 ماۋسىم 2012 7:40
لوردادا ازەربايجان رەسپۋبليكاسى مادەنيەتى كۇندەرىنىڭ رەسمي اشىلۋى بارىسىندا «ازەربايجان: ءداستۇر مەن قازىرگى زاماننىڭ توعىسۋى» اتتى كورمە ءوتتى.
ازەربايجان – جەرىنىڭ كەڭدىگى مەن حالقىنىڭ سانى جاعىنان كاۆكاز ەلدەرى اراسىندا جەتەكشى ورىنداعى مەملەكەت, ياعني, جەر اۋماعى 86,6 مىڭ شارشى شاقىرىمدى الىپ جاتسا, تۇرعىندارى 8 ميلليوننىڭ ءۇستىندە. كەشەگى كورمەدە مەملەكەتتىڭ استاناسى باكۋ قالاسىنىڭ قازىرگى ءسان-سالتاناتى بەينەلەنگەن سۋرەتتەر ايشىقتى كورىنەدى. كورمە بارىسىندا ءبىز ازەربايجان رەسپۋبليكاسى مەملەكەتتىك كارتينالار گالەرەياسىنىڭ ديرەكتورى ەلنۋر گۋسەينوۆتى اڭگىمەگە تارتقان بولاتىنبىز.
جۇما, 8 ماۋسىم 2012 7:40
لوردادا ازەربايجان رەسپۋبليكاسى مادەنيەتى كۇندەرىنىڭ رەسمي اشىلۋى بارىسىندا «ازەربايجان: ءداستۇر مەن قازىرگى زاماننىڭ توعىسۋى» اتتى كورمە ءوتتى.
ازەربايجان – جەرىنىڭ كەڭدىگى مەن حالقىنىڭ سانى جاعىنان كاۆكاز ەلدەرى اراسىندا جەتەكشى ورىنداعى مەملەكەت, ياعني, جەر اۋماعى 86,6 مىڭ شارشى شاقىرىمدى الىپ جاتسا, تۇرعىندارى 8 ميلليوننىڭ ءۇستىندە. كەشەگى كورمەدە مەملەكەتتىڭ استاناسى باكۋ قالاسىنىڭ قازىرگى ءسان-سالتاناتى بەينەلەنگەن سۋرەتتەر ايشىقتى كورىنەدى. كورمە بارىسىندا ءبىز ازەربايجان رەسپۋبليكاسى مەملەكەتتىك كارتينالار گالەرەياسىنىڭ ديرەكتورى ەلنۋر گۋسەينوۆتى اڭگىمەگە تارتقان بولاتىنبىز.
«ادەتتە ازەربايجان اتاۋى ەستىلسە, تمد-داعى باسقا حالىقتار كوز الدىنا اۋا رايى قولايسىز, ىستىق جەردى ەلەستەتەدى. بىراق, ءبىزدىڭ ەلدىڭ تابيعاتى ءبىر مەزگىلدە ءجۇز كۇيدىرەردەي ىستىقتىعىمەن ءارى ماڭگى قار باسىپ جاتاتىن تاۋلارىمەن ەرەكشە. وڭتۇستىك جانە ءسولتۇستىك اۋدانداردىڭ جىلدىڭ ءبىر مەزگىلىندە ءتۇرلى بەينەدە قۇبىلۋى, قازىرگى وسكەن, وركەندەگەن باكۋدىڭ كەلبەتى, ەسكى ارحيتەكتۋرالىق ەسكەرتكىشتەرىمىز, قىزىل كىتاپقا ەنگەن سيرەك اعاشتار, شاڭعى كەشەنى – مىنە, ءبىزدىڭ سىزدەرگە كورسەتەتىن كارتينالارىمىز. وسىندا كەلەردىڭ الدىندا سۋرەتتەردى ىرىكتەۋدەن وتكىزدىك. سونىڭ ىشىندە ە.حاليلوۆ, ل.احۋنزادە, ف.حايرۋللين سىندى فوتوگرافتاردىڭ سۋرەتتەرى تاڭداپ الىندى. بار-جوعى 43 كارتينا. سونىڭ ءوزى-اق ازەربايجان تۋرالى كوپ مالىمەت بەرەدى دەگەن ويدامىز», – دەدى ەلنۋر گۋسەينوۆ.
ازەربايجان رەسپۋبليكاسى – 64 اۋدان مەن تاۋلى قاراباح اتالاتىن ءبىر وبلىستى, سونداي-اق, ناحيچەۆان اۆتونوميالىق رەسپۋبليكاسىن بىرىكتىرىپ وتىرعان مەملەكەت. قازىرگى تاڭدا بۇل ەلدىڭ ءتۋريزمدى دامىتۋعا كۇش سالىپ جاتقانى بايقالادى. كورمەدەگى فوتوسۋرەتتەرگە قوسا قويىلعان كىتاپتار مەن بۋكلەتتەر وسى ءسوزىمىزگە دالەل سىندى. نەگە دەسەڭىز مۇندا نەگىزىنەن تۋريزمگە قولايلى جەرلەر, دەمالىس ورىندارى, مەيرامحانالار مەن ونداعى اس ءمازىرلەرى, ەكزوتيكا ءۇشىن ەسكى شاھارلار, مۇراجايلار, كەسەنەلەر تۋرالى ازەربايجان جانە اعىلشىن ءتىلدەرىندە جازىلعان اقپاراتتار قويىلعان.
«جاقسىنى كورمەك ءۇشىن» دەگەندەي, ءبىز دە ءبىراز تاماشالاپ, سونداعى تۇيگەنىمىز مىناۋ: ەلدە 130-دان اسا مۇراجايلار مەن ولاردىڭ فيليالدارى جۇمىس ىستەيدى. ەڭ باستى مۇراجايلاردىڭ قاتارىندا ازەربايجان تاريحى مۇراجايى اتالسا, ودان كەيىنگى ورىندا ازەربايجان كىلەمدەرى مەن قولدانبالى ونەر مۇراجايى كەلۋشىلەردى قىزىقتىراتىن كورىنەدى. مومۋنە حاتۋن, يۋسيف كەسەنەلەرى, اپشەرون جارتى ارالىنداعى مۇنارالار – ەلدىڭ قازىناسى ىسپەتتى. بەيك تاش, گوبۋستان, كيچيك تاش, دجينگيرداگ تاۋلارىندا ازەربايجان حالقىنىڭ تاس زامانىنان بەرگى تاريحىنان سىر شەرتەتىن تاستاعى جازۋلار, ەجەلگى ادامداردىڭ تۇراقتارى, قابىرلەرى, تاس قامالدار وسى ۋاقىتقا دەيىن ساقتالعان. تەك باكۋ قالاسىنىڭ وزىندە يچەريشەحەر قامالى, گىز كالاسى مۇناراسى, شيرۆانشاح اۋلەتىنىڭ سارايى, سىنىك كالا مينارەتى, سەيد ياحيا كەسەنەسى سىندى الدى 7-ءشى عاسىردا, سوڭى 15-ءشى عاسىرلاردا سالىنعان ەسكەرتكىشتەر بار ەكەن. ارينە بۇنىڭ ءبارى ءتۋريزمنىڭ دامۋىنا سەبەپ بولادى دەسەك, وندا بارعان ادامداردى قانداي جاعداي كۇتىپ تۇرعانى بولەك ماسەلە. بۇل جاعىن دا ەسكەرگەن ازەربايجاندار كورمەدە وزدەرىنىڭ مەيرامحانالارى مەن اس ءمازىرىن جارنامالاۋدى دا ۇمىتپاپتى. باتىس پەن شىعىستىڭ اس ءمازىرى, جۇلدىزدى قوناقۇيلەر, دەمالىس ورىندارى ەسەپتەلەتىن ساناتوريلەر مەن كۋرورتتار قازىرگى زامانداعى ازەربايجاننىڭ بەت-بەينەسىن ايشىقتاپ تۇرعانداي.
ايگۇل سەيىلوۆا,
«ەگەمەن قازاقستان».
