پويىزعا ەل ريزا
بەيسەنبى, 17 مامىر 2012 7:45
دارىگەرلەر قابىلداۋىنا كەلگەن حالىق كوپ
«سالاماتتى قازاقستان» پويىزىنىڭ ەلىمىز وبلىستارىنا شىعىپ, تۇرعىنداردىڭ دەنساۋلىعىن تەكسەرۋ جۇمىستارىن باستاعانىنا ءبىرشاما ۋاقىت بولدى. ءساۋىردىڭ ورتاسىندا پويىزدى ەسىل ستانساسىنان كۇتىپ الىپ, ءبىزدىڭ دارىگەرلەر جۇمىس ەستافەتاسىن قولىنا العان بولاتىن. قوستانايلىق دارىگەرلەر سودان بەرى پويىز ۇستىندە. ەسىلدەن قوستاناي وبلىسىنىڭ سارىكول ەلدى مەكەنىنە جەتكەنگە دەيىن «سالاماتتى قازاقستان» پويىزى 13 ستانساعا توقتايدى ەكەن. قازىر دارىگەرلەر جاركول ستانساسىندا تۇرعىندارعا قىزمەت كورسەتۋدە. تەك جاركول ەمەس, سول اينالاداعى اۋىل مەن سەلو تۇرعىندارىنىڭ تايلى-تاياعىنا دەيىن «دوڭعالاقتى ەمحاناعا» كەلدى.
بەيسەنبى, 17 مامىر 2012 7:45
دارىگەرلەر قابىلداۋىنا كەلگەن حالىق كوپ
«سالاماتتى قازاقستان» پويىزىنىڭ ەلىمىز وبلىستارىنا شىعىپ, تۇرعىنداردىڭ دەنساۋلىعىن تەكسەرۋ جۇمىستارىن باستاعانىنا ءبىرشاما ۋاقىت بولدى. ءساۋىردىڭ ورتاسىندا پويىزدى ەسىل ستانساسىنان كۇتىپ الىپ, ءبىزدىڭ دارىگەرلەر جۇمىس ەستافەتاسىن قولىنا العان بولاتىن. قوستانايلىق دارىگەرلەر سودان بەرى پويىز ۇستىندە. ەسىلدەن قوستاناي وبلىسىنىڭ سارىكول ەلدى مەكەنىنە جەتكەنگە دەيىن «سالاماتتى قازاقستان» پويىزى 13 ستانساعا توقتايدى ەكەن. قازىر دارىگەرلەر جاركول ستانساسىندا تۇرعىندارعا قىزمەت كورسەتۋدە. تەك جاركول ەمەس, سول اينالاداعى اۋىل مەن سەلو تۇرعىندارىنىڭ تايلى-تاياعىنا دەيىن «دوڭعالاقتى ەمحاناعا» كەلدى. «سالاماتتى قازاقستان» پويىزىندا جابدىقتالعان مەديتسينالىق قۇرالدار اۋىلدى جەرلەردەگى فاپ-تار تۇگىلى اۋرۋحانالاردىڭ وزىنەن تابىلا بەرمەيدى, ەگەر بار بولسا ونى جۇزەگە اسىراتىن مامان جوق. ال جىلجىمالى ەمحانا تۇرعىندارعا ءارى جان-جاقتى مەديتسينالىق تەكسەرىستەن وتۋگە ءارى ونى جەدەل اتقارۋعا وتە قولايلىعىن كورسەتتى. جاركولدەن بىزگە حابارلاسقان دارىگەرلەر دەنساۋلىعىن تەكسەرتۋگە كەلگەن تۇرعىنداردىڭ وتە كوپ, كەزەكتىڭ ۇزاق ەكەنىن ايتىپ وتىر.
ءبىزدىڭ اۋرۋحانا دارىگەرلەرى «سالاماتتى قازاقستان» پويىزىمەن مۇنىڭ الدىندا دا ساپارعا شىققان بولاتىن. سوندىقتان ولاردىڭ «جىلجىمالى ەمحانا» جاعدايىندا جەرگىلىكتى تۇرعىندارعا مەديتسينالىق قىزمەت كورسەتۋدە تاجىريبەسى دە مولىعىپ كەلەدى.
قازىر پويىزدا بارلىعىن قوسقاندا 25 دارىگەر مەن ماماندار قىزمەت كورسەتۋدە. جاقىندا قارالۋعا كەلگەن ءبىر ايەل پويىزدان بىردەن اۋرۋحاناعا جونەلتىلدى, وعان وسىندا جەدەل وپەراتسيا جاسالدى. ال قانشاما ادامداردىڭ وسى كەزگە دەيىن بايقالماي كەلگەن سىرقاتتارىن انىقتاپ, ولار ەمدىك شارا الۋدى دا باستاپ كەتتى.
جىلجىمالى مۇنداي مەديتسينالىق قىزمەتتىڭ ارتىقشىلىعى كوپ ەكەنىن دارىگەرلەر دە, جۇرتشىلىق تا ءتۇسىندى. ول ءۇشىن حالىقتىڭ العىسى ەرەكشە. دەرجاۆين ستانساسىنان جاركولگە دەيىن دارىگەرلەردىڭ قابىلداۋىندا 4897 ادام بولعان, ونىڭ اراسىندا 506 بالا بار. اۋىل ادامدارى ۋزي, رەنتگەن اپپاراتتارىنان, لابوراتوريالىق تەكسەرىستەن وتكەنىنە قۋانىشتى. ادەتتە, ۋزي-دەن ءوتۋ ءۇشىن كەيدە كىسىنىڭ ءبىر كۇن ۋاقىتى كەتەدى. ال پويىزدا ءار ادام ساناۋلى ساعاتتىڭ ىشىندە مەديتسينالىق بارلىق تەكسەرىستەن وتە الادى.
«سالاماتتى قازاقستان» مەديتسينالىق كومەك پويىزى حالقىمىزدىڭ مىقتى, مەملەكەتىمىزدىڭ كۇشتى بولۋى ءۇشىن جاسالىپ جاتقان يگى شارالاردىڭ ءبىرى ەكەنى داۋسىز.
ەندى الداعى ءبىر-ەكى كۇندە «سالاماتتى قازاقستان» وبلىستىڭ ءسارىول اۋدانىنداعى وسى اتتاس ستانساسىنا كەلەدى. وندا ءدارىگەرلەر ەكى كۇن دامىل تاپپاي جۇمىس ىستەيتىن بولادى. ءتيىمدىلىگى مول جىلجىمالى ەمحانانى وندا دا تۇرعىندار اسىعا كۇتىپ وتىر.
قاراتاي جايساڭباەۆ,
قوستاناي تەمىر جولى اۋرۋحاناسىنىڭ باس دارىگەرى.
قوستاناي.
