بارلاۋشى
سارسەنبى, 9 مامىر 2012 7:38
امىربەك قويشىبەك ۇلى مايداننان كەلگەن سوڭ ءتۇرلى ۇلتتىڭ توعىز بالاسىن باۋىرىنا باسىپ وسىرگەن
ء…بىر اياعىن مايدان دالاسىنا قالدىرىپ, ەلگە ورالعان امىربەك قويشىبەك ۇلى ۇيىنە كىرىپ كەلگەندە كوزدەرى جاۋدىرەگەن ءار ۇلتتىڭ بالالارىن كورىپ, تاڭ-تاماشا بولدى. وشكەنى جانىپ, ولگەنى تىرىلگەندەي بولىپ جاتقان اناسى ۇلتۋدىڭ قۇشاعىندا تۇرعاندا دا قوس جانارىن كوگەنكوزدەردەن الار ەمەس.
سارسەنبى, 9 مامىر 2012 7:38
امىربەك قويشىبەك ۇلى مايداننان كەلگەن سوڭ ءتۇرلى ۇلتتىڭ توعىز بالاسىن باۋىرىنا باسىپ وسىرگەن
ء…بىر اياعىن مايدان دالاسىنا قالدىرىپ, ەلگە ورالعان امىربەك قويشىبەك ۇلى ۇيىنە كىرىپ كەلگەندە كوزدەرى جاۋدىرەگەن ءار ۇلتتىڭ بالالارىن كورىپ, تاڭ-تاماشا بولدى. وشكەنى جانىپ, ولگەنى تىرىلگەندەي بولىپ جاتقان اناسى ۇلتۋدىڭ قۇشاعىندا تۇرعاندا دا قوس جانارىن كوگەنكوزدەردەن الار ەمەس.
ماسەلە بىلاي بولىپتى. بۇل سوعىسقا اتتانعان سوڭ, شەشەسى جەر اۋىپ كەلگەن توعىز بىردەي جەتىم بالانى قامقورلىققا الىپ, ۇيىنە پانالاتادى. سوندا ءبىرىنشى اۋزى جۇرەتىن كەيبىر ايەلدەر سىرتىنان: «ۇلتۋدىڭ اسىراپ العان بالالارىنىڭ ىشىندە نەمىس تە بار ەكەن. ونىسى نەسى, ءارى-بەرىدەن كەيىن ورىس پا, چەشەن بە, قاراشاي دەي ما, قايداعى ۇلتتىڭ بالالارىن باعاتىن زامان با؟» دەپ وسەكتى زۋلاتىپ تا جاتتى. مۇنداي ءسوزدى ءامىربەكتىڭ دە قۇلاعى شالادى.
«قان مايداندا بۇتىندەي كەڭەس جاۋىنگەرلەرى بولىپ, جاۋعا ءبىر اتانىڭ بالاسىنداي اتوي سالعان جوقپىز با؟! بارلاۋعا ءشامىل ەسىمدى چەشەن جىگىتىمەن تالاي رەت بىرگە بارىپ, «ءتىل» اكەلىپ ەدىك قوي. وتان ءۇشىن جانىن بەرۋگە بار ەدى-اۋ ازامات. مىنا ومىراۋىمداعى ءىىى-دارەجەلى «داڭق» وردەندى سول جاۋىنگەر دوسىما دا بەرىپ ەدى. سوڭعى شايقاستا اۋىر جارالانىپ, ەس-ءتۇسسىز جاتقاندا روتا كومانديرى, ورىس ۇلتىنىڭ وكىلى مەرزلاكوۆ ءوزى يت تارتقان سانيتار شاناسىنا سالىپ, گوسپيتالعا جەتكىزگەنىن, سوندا ءبىر اياقتى كەستىرگەنىممەن جارىق دۇنيەگە قايتا كەلگەنىمدى مىنا جۇرت قايدان ءبىلسىن».
ساناسىن وسىنداي وي شارلاپ وتكەن جارالى جاۋىنگەر ءبىرى بالاسىنان, ءبىرى باۋىرىنان, ەندى ءبىرى قوساعىنان ايىرىلعان مۇڭدىقتارعا نە دەسىن. ورىس, نەمىس, چەشەن, قاراشاي, بارلىعى توعىز ۇلتتىڭ بالاسىن اسىراپ العان اناسىنىڭ ادامگەرشىلىك قاسيەتىنە ريزا بولدى. العاشقى كۇننەن بالالاردى ءىش تارتىپ, جانى قالمادى. بىرىنە باس كيىمىن, ەندى بىرىنە بەلدىگىن, تاعى بىرىنە جەيدەسىن ۇلەستىرىپ بەردى.
جىلدار جىلجىپ ءوتىپ جاتتى. اناسى باقيلىق بولعان. الگى ساياساتتىڭ جازىقسىز جاس جەلكەندەرى دە ەسەيدى. مايدانگەر ازامات ولاردى ءوز بالالارىنان كەم كورمەي, تاربيەلەپ, ءوسىردى. جەتەۋى كەيىننەن بالالار ۇيىنە ءوتتى دە, ەكەۋى وسى ۇيدە ءجۇرىپ, وتاۋ قۇردى. سانالى ازامات بولىپ قالىپتاسقان سوڭ, ارداگەر وكىل اكەلەرىنە ءوز قۇرساعىنان شىققانداي انالىق مەيىرىمىن توككەن مايدانگەردىڭ جارى دارىكۇل اپالارىنا العىستارىن جاۋدىرىپ, جان-جاققا كەتە باردى.
سوعىستان ءبىر اياعىنا «اعاش» بايلاپ قايتقانىنا قاراماي اتاقتى «تالاس» قاراكول قوي سوۆحوزىندا ءار سالادا جەمىستى ەڭبەك ەتتى. بەيبىت ومىردە دە ماراپاتتى از العان جوق.
اتا-اناسىز تۇل جەتىم قالعان بالالاردى باۋىرىنا باسقانىن قۇدىرەتى كۇشتى ءبىر اللا كوردى مە, تەكتىلىك قاسيەتىنەن اينىماي 90 جىل عۇمىر كەشتى.
كەمپىرى ەكەۋىنە جاراتقان ەكى قىز بەن ەكى ۇل بەردى. تۇڭعىشتارى ءبيبىجان مەن ودان كەيىنگى جاڭىلعانى وزدەرىنىڭ سانالى عۇمىرلارىن ۇرپاق تاربيەسىنە جانە ساۋدا سالاسىنا ارنادى. ەكەۋى دە زەينەتتە. ءبىرى قاراتاۋ, ەندى ءبىرى تاراز قالاسىندا تۇرادى. ۇلدىڭ ۇلكەنى سۇلتان وبلىس ورتالىعىنداعى «تەمىر جول جىلۋ» كاسىپورنىندا ديرەكتوردىڭ ورىنباسارى, بالالاردىڭ كەنجەسى سەرىك الماتىدا قۇرىلىس فيرماسىن باسقارادى.
مايدانگەردىڭ بالالارى اتا-انا رۋحىنا باعىشتالاتىن قۇرانىن ۇزگەن ەمەس. جەڭىس كۇنى دە اقكول اۋىلىندا اكەلەرىنىڭ 100 جىلدىعى مەن انالارىنىڭ 95 جىلدىعىنا تاعزىم ەتىپ, ءتۇرلى مادەني شارالار وتكىزەدى.
امانگەلدى ابىلاش ۇلى, جۋرناليست.
جامبىل وبلىسى.
