ن. كەڭەسوۆ 1983 جىلى قاراعاندى قالاسىندا تۋعان. قاراعاندى مەملەكەتتىك تەحنيكالىق ۋنيۆەرسيتەتىن مەنەدجمەنت جانە كولىك باسقارۋ, ۇيىمداستىرۋ ينجەنەرى ماماندىعى بويىنشا تامامداعان. «بولاشاق» باعدارلاماسى بويىنشا Imperial College London ۋنيۆەرسيتەتىندە ءبىلىم العان. قر پرەزيدەنتى جانىنداعى مەملەكەتتىك باسقارۋ اكادەمياسىن بىتىرگەن.
ەڭبەك جولىن 2005 جىلى قاراعاندى وبلىسىنداعى ينجەنەرلىك-تەحنيكالىق ورتالىقتىڭ ينجەنەرى بولىپ باستاعان. يندۋستريا جانە جاڭا تەحنولوگيالار مينيسترلىگىنىڭ ساراپشىسى قىزمەتىنەن ستراتەگيالىق جوسپارلاۋ دەپارتامەنتى ديرەكتورىنىڭ ورىنباسارى لاۋازىمىنا دەيىن وسكەن. ءار جىلدارى «نۇر وتان» پارتياسى ورتالىق اپپاراتىنىڭ يننوۆاتسيالىق كوميتەتى توراعاسىنىڭ ورىنباسارى, وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى قىزمەتتەرىن اتقاردى.
2016 جىلدان وسى كۇنگە دەيىن قورعانىس جانە اەروعارىش ونەركاسىبى مينيسترلىگىنىڭ ستراتەگيالىق جوسپارلاۋ دەپارتامەنتىنىڭ ديرەكتورى بولىپ جۇمىس ىستەگەن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
