وليمپياداعا 130-عا جۋىق وقۋشى قاتىسىپ, باقتارىن سىنادى. بار عىلىمنىڭ اتاسى سانالاتىن ەسەپكە كىمنىڭ جۇيرىك ەكەندىگىن انىقتادى. وليمپيادا اياسىندا ادىستەمەلىك-تاجىريبەلىك كونفەرەنتسيا قوسا ءوتىپ, مەكتەپ مۇعالىمدەرىنىڭ كوكەيىندە جۇرگەن وزەكتى ماسەلەلەر ورتاعا سالىندى.
- قاجي نۇرسۇلتان ۇلىنىڭ وتاندىق ماتەماتيكا سالاسىنا قوسقان ۇلەسى وتە زور. ول ۋنيۆەرسيتەتتە ءدارىس بەرە ءجۇرىپ, ورتا مەكتەپتەردەگى ارىپتەستەرىنە ۇنەمى قولداۋ ءبىلدىرىپ وتىرعان. بۇگىنگى وليمپيادانىڭ مەكتەپ وقۋشىلارى ءۇشىن وتكىزىلۋىنىڭ باستى سەبەبى دە وسىندا. ءوز ماماندىعىن جان-تانىمەن سۇيگەنىنىڭ ارقاسىندا بالالارعا ارناپ «جۇلدەگەرلىك ءجۇز ەسەپ», «ەرتەگى ەسەپتەر», «ويلاۋ لوگيكاسى» اتتى قىزىقتى ءارى تارتىمدى كىتاپتار جازىپ قالدىرىپ, ماتەماتيكا عىلىمىنا «ديسكرەتتى ماتەماتيكالىق لوگيكا», «ماتەماتيكالىق لوگيكانىڭ باستامالارى» سىندى قۇندى ەڭبەكتەرىن مۇرا ەتىپ قالدىرعان. بۇنىڭ سىرتىندا 300–دەن استام عىلىمي زەرتتەۋلەرى ەسەپكە جانى قۇمار جاندار ءۇشىن تاپتىرماس ادىستەمەلىك كومەك بولارى ءسوزسىز. وليمپيادا شەڭبەرىندە ۇيىمداستىرىلعان كونفەرەنتسياعا ءوڭىر ۇستازدارى جىبەرگەن 35 زەرتتەۋ جۇمىستارىنىڭ ء15–ى ىرىكتەلىپ الىندى. وسى جۇمىستار ماتەماتيكا پانىندەگى وزەكتى ماسەلەلەردى ورتاعا سالىپ, ونىڭ شەشىلۋ جولدارىن قاراستىرادى,-دەيدى مەكتەپتىڭ ماتەماتيكا ءپانىنىڭ مۇعالىمى گۇلبارشىن قايىرعاليقىزى.
سەمەي قالاسىنداعى فمب نازارباەۆ زياتكەرلىك مەكتەبىنىڭ ماتەماتيكا ءپانىنىڭ مۇعالىمدەرى نۇرعازى سەيىتقازى ۇلى, نارتاي سوۆەتحان ۇلىلاردىڭ ايتۋىنشا, كونفەرەنتسيا جۇمىسىنا قالا مۇعالىمدەرىنەن بولەك شالعايداعى اۋدان, اۋىل مۇعالىمدەرىنىڭ ءوز جۇمىستارىن جىبەرۋى مەكتەپتە ماتەماتيكا ءپانىن وقىتۋدا جاڭاشىلدىقتىڭ قاجەت ەكەنىن كورسەتسە كەرەك.
بەلگىلەنگەن ۋاقىت ىشىندە «جۇزدەن جۇيرىك, مىڭنان تۇلپار» شىققان شاكىرتتەر وليمپيادا جەڭىمپازدارى بولىپ تانىلدى. ۇيىمداستىرۋشىلار شەشىمىمەن I-II-III جۇلدەلى ورىندارى بىرنەشە بالاعا قاتار بەرىلىپ, ناتيجەسىندە ەكونوميكالىق ليتسەي, بىحين اتىنداعى جالپى ءبىلىم بەرەتىن, پريرەچنوە ورتا مەكتەپتەرى مەن كوپتەگەن قالا مەكتەپتەرىنىڭ وقۋشىلارى ولجالى قايتتى. جەڭىمپازدارعا «Sem-Slada» تورت-كونديتەرلىك ونىمدەرىنىڭ قارجىلاي كومەگىمەن ۇيىمداستىرۋشىلار ازىرلەگەن ەستەلىك سىيلىقتار تابىستالدى. ال كونفەرەنتسياعا قاتىسۋشى ۇستازدارعا سەرتيفيكاتتار تابىستالىپ, كەلەسى باس قوسۋدىڭ جوسپارى تالقىلاندى. مەكتەپتىڭ ماتەماتيكا ادىستەمەلىك بىرلەستىگى عالىمنىڭ ۇرپاعى گۇلزيفا نۇرسۇلتانوۆاعا اكەسىنىڭ پورترەتىن سىيعا تابىس ەتتى.
راۋشان نۇعمانبەكوۆا,
جۋرناليست
