ول وسى جىلى 19-20 اقپاندا باكۋ قالاسىندا كاسپي ماڭى ەلدەرى سىرتقى ىستەر مينيسترلەرى ورىنباسارلارىنىڭ كاسپي تەڭىزى جونىندە جوعارى دەڭگەيدەگى جۇمىس توبىنىڭ ءبىرىنشى وتىرىسى وتەتىنىن ايتتى.ء ىس-شارادا قازاقستان دەلەگاتسياسىن سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى زۋلفيا امانجولوۆا باسقارادى. كەزدەسۋ بارىسىندا بىلتىرعى جىلعى 12 تامىزدا اقتاۋ قالاسىندا وتكەن كاسپي ءسامميتىنىڭ قورىتىندىسى بويىنشا قول جەتكىزىلگەن ۋاعدالاستىقتاردى جانە مەملەكەت باسشىلارىنىڭ تاپسىرمالارىن ىسكە اسىرۋ بويىنشا كەڭ اۋقىمدى ماسەلەلەردىڭ تالقىلانۋى جوسپارلانۋدا.
«جوعارى دەڭگەيدەگى تۇراقتى بەسجاقتى كونسۋلتاتسيالاردىڭ مەحانيزمى كاسپي تەڭىزىنىڭ قۇقىقتىق مارتەبەسى تۋرالى كونۆەنتسيانى ءتيىمدى جۇزەگە اسىرۋ جانە تەڭىز ماڭىنداعى ىنتىماقتاستىققا شولۋ جۇرگىزۋ ماقساتىندا «كاسپي بەستىگى» ەلدىرى كوشباسشىلارىنىڭ شەشىمىمەن قۇرىلعان بولاتىن. ەستەرىڭىزگە سالا كەتسەك, وسى جىلى 8 اقپاندا مەملەكەت باسشىسى نۇرسۇلتان نازارباەۆ «كاسپي تەڭىزىنىڭ قۇقىقتىق مارتەبەسى تۋرالى كونۆەنتسيانى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىنا قول قويىپ, وسىلايشا ءبىزدىڭ مەملەكەت بۇل تاريحي قۇجاتتى راتيفيكاتسيالاعان بولاتىن. بۇگىنگە دەيىن قازاقستانمەن قاتار كونۆەنتسيانى تۇرىكمەنستان راتيفيكاتسيالادى», دەدى ول.
