«اقشا اۋدارىم جۇيەسى ارقىلى قازاقستاننىڭ جەكە تۇلعالارىنىڭ شەتەلگە اۋدارعان قارجىلارىنىڭ كولەمى 380,1 ميلليارد تەڭگەگە جەتكەن» دەلىنگەن حابارلامادا.
بۇل كورسەتكىش 2017 جىلدىڭ وسى كەزەڭىمەن سالىستىرعاندا 27,5 پايىز جوعارى. وتكەن جىلى 2016-مەن سالىستىرعاندا 25,2 پايىزعا وسكەن بولاتىن. 2018 جىلدىڭ 8 ايىندا جۇرگىزىلگەن ترانزاكتسيالاردىڭ سانى 1,8 ميلليون, بۇل وتكەن جىلدان 9,3 پايىز جوعارى.
اۋدارىمداردىڭ باسىم بولىگى رەسەيگە جونەلتىلگەن. اۋدارىلعان سوما – 147,8 ميلليارد تەڭگە. ءبىر جىلداعى ءوسىم – 27,2 پايىز.
حالىقارالىق قاردى اۋدارىلىمى جۇيەسى ارقىلى 2018 جىلدىڭ وزىندە قازاقستاننان رەسەيگە 233,2 ميلليارد تەڭگە اۋدارىلدى.
قارجىنىڭ ەسەپسىز سىرتقا كەتىپ جاتقانى راس. قازىر قازاقستان باسقا ەلدەر ءۇشىن مايشەلپەك جانە بانان ەلگە اينالىپ وتىرعانى وتىرىك ەمەس. ەلىمىزدە بالا-شاعاسىن اسىراپ, ناپاقاسىن تاۋىپ جۇرگەن گاستاربايتەرلەر دە, ەل شيكىزاتىنان وراسان زور تاۋىپ جاتقان ينۆەستورلار دا وتە كوپ.
قازاقستاننان اۋدارىلعان اقشا وزگە ەلدىڭ سالىق قازىناسىن تولتىرىپ جاتىر. سونىمەن...
حالىقارالىق قارجى اۋدارىلىمى جۇيەسى ارقىلى 2018 جىلدىڭ وزىندە رەسەيگە كەتكەن اقشانى جوعارىدا ايتتىق.
ودان كەيىنگى ورىندا –وزبەكستان. نەگىزىنەن ولاردىڭ باسىم بولىگى وزبەك گاستاربايتەرلەرى بولۋى دا مۇمكىن. وتكەن جىلى وزبەكتەر ءوز ەلىنە 111 ميلليارد تەڭگە اۋدارعان كورىنەدى. بۇل ورايدا تۇرىكتەر دە قالىس قالىپ وتىرعان جوق.
2018 جىلى حالىقارالىق قارجى اۋدارىلىمى جۇيەسى ارقىلى قازاقستاننان تۇركياعا 70,2 ميلليارد تەڭگە قارجى جىبەرىلگەن.
اتاپ وتەتىن ءبىر جايت, ەڭ از اقشا ارمەنيا مەن بەلارۋسكە جىبەرىلگەن.
اقشا اۋدارىم جۇيەسىندە شەتەلگە كەتكەن ءىرى ترانزاكتسيالار «زولوتوي كورونا» جۇيەسى ارقىلى جاسالعان. بۇل جۇيەمەن 241,2 ملرد تەڭگە جىبەرىلگەن. ەكىنشى كەزەكتە «Western Union» تۇر. ول ارقىلى اۋدارىلعان قارجى كولەمى – 55,6 ملرد تەڭگە, ءوسىم ءبىر جىلدا 13,5 پايىزعا جەتكەن. ءۇشىنشى ورىندا «يۋنيستريم» جۇيەسى تۇر. اۋدارىلعان قارجى كولەمى – 31,2 ملرد تەڭگە.
– شەتەلدە جۇمىس ىستەپ جاتقان قازاق ميگرانتتارىنىڭ ەلگە قانشا اقشا اۋداراتىنى جانە ونىڭ ءىجو-گە اسەرى تۋرالى اقپارات ءالى ءبىر جۇيەگە تۇسكەن جوق. بۇرىن ءبىز وعان ءمان بەرمەدىك. قازىرگى جاعداي باسقا. سىرتقى فاكتورلاردىڭ كۇشەيۋى بايقالادى. باستى ساۋدا ارىپتەسىمىز رەسەيدەگى جىلدىق ينفلياتسيانىڭ 4 پايىزدان اسىپ كەتكەنى بەلگىلى. ول جاقتان كەلەتىن يمپورتتىڭ كولەمىن ەسكەرسەك, بيىل ءبىز ءۇشىن دە ينفلياتسيانىڭ كۇشەيۋ قاۋپى جوعارى – دەيدى ەرلان يبراگيم.
قانشا اقشا سىرتتان كەلدى؟
– شەتەلدە جۇمىس ىستەپ جاتقان قازاق ميگرانتتارىنىڭ ەلگە قانشا اقشا اۋداراتىنى جانە ونىڭ ءىجو-گە اسەرى تۋرالى اقپارات ءالى ءبىر جۇيەگە تۇسكەن جوق. بۇرىن ءبىز وعان ءمان بەرمەدىك. قازىرگى جاعداي باسقا. سىرتقى فاكتورلاردىڭ كۇشەيۋى بايقالادى. باستى ساۋدا ارىپتەسىمىز رەسەيدەگى جىلدىق ينفلياتسيانىڭ 4 پايىزدان اسىپ كەتكەنى بەلگىلى. ول جاقتان كەلەتىن يمپورتتىڭ كولەمىن ەسكەرسەك, بيىل ءبىز ءۇشىن دە ينفلياتسيانىڭ كۇشەيۋ قاۋپى جوعارى – دەيدى ەرلان يبراگيم.
گۇلبارشىن ساباەۆا,
«ەگەمەن قازاقستان»
الماتى
