وقيعا 16 اقپان كۇنى ورىن العان. اباي اۋدانى قۇرساي مولتەك اۋدانىنداعى ءورت شىققانى تۋرالى حابارلاما 16.39-دا كەلىپ تۇسكەن. ءورت ءسوندىرۋ قىزمەتىنىڭ 14 ادامنان قۇرالعان توبى جاڭاقۇرىلىس كوشەسىندەگى ۋاقىتشا سالىنعان ۇيدەگى (ۆرەميانكا) 60 شارشى مەتردى شارپىعان ءورتتى 2 ساعاتتا سوندىرگەن.
ماماندار انىقتاعان قۇتقارۋشى بالانىڭ اتى-ءجونى – باقىتجان قۇدايقۇل ۇلى. كورشى بالانىڭ ەرجۇرەكتىگى مەن باتىلدىعى ەكى ءبۇلدىرشىننىڭ ءومىرىن قۇتقارۋعا جاردەمدەستى. «بالالاردىڭ قورىققانى بولماسا, قازىر جاعدايى قاناعاتتانارلىق. ءورت بولعان كەزدە ۇيدە اتا-اناسى بولعان جوق. ماماندار ءورتتىڭ سەبەبىن انىقتاۋدا», دەيدى دەپارتامەنت وكىلى ماديار ەلەۋسىز ۇلى.
قازىر دەپارتامەنت اتىنان باقىتجاننىڭ بارلىق قۇجاتتارى ۆەدومستۆولىق ناگراداعا جىبەرىلىپ جاتىر.
ايدانا شوتبايقىزى,
«ەگەمەن قازاقستان»
