«سىباعا» مەملەكەتتىك باعدارلاماسى بويىنشا بولىنگەن ارزان نەسيەنى 14 شارۋا قوجالىعى الىپ, بۇل قارجى 1317 باس اسىل تۇقىمدى ءىرى قارا ساتىپ الۋعا جۇمسالعان ەكەن.
اۋىل شارۋاشلىعىن قارجىلاي قولداۋ قورى جۇزەگە اسىراتىن «سىباعا» باعدارلاماسىنىڭ ءبىر سالاسى ءمۇيىزدى ءىرى قارا مالىنىڭ باسىن كوبەيتىپ, ەكسپورتقا ەت شىعارۋ ماقساتىندا شەتەلدەن اسىل تۇقىمدى مال ساتىپ الۋدى قارجىلاندىرۋ بولسا, ەكىنشى باعىتى ىشكى نارىقتاعى قوي مەن ەشكى مالىنىڭ سانىن كوبەيتۋدى كوزدەيدى. بىلتىر بۇل ماقساتتا وبلىس مالشىلارى 383,2 ملن تەڭگەگە قوي مەن ەشكى ساتىپ الىپ, 12113 باس ۋاق جاندىق قىستاماعا كىرگەن.
جالپى, اۋىل شارۋاشىلىعىن قولداۋ قورى بويىنشا بەرىلەتىن نەسيە تەك مال ساتىپ الۋعا عانا ەمەس, اگروبيزنەس سالاسىندا قىزمەت كورسەتەتىن نىسانداردى دا قارجىلاندىرادى. ماسەلەن, «كاسىپكەر» باعدارلاماسى شارۋاشىلىققا قىزمەت كورسەتۋ, ءونىم الۋ مەن ساۋدا – ساتتىق سياقتى جۇمىس ءتۇرىن سۋبسيديالايدى. بىلتىر وسى «كاسىپكەر» باعدارلاماسى اياسىندا جەتىسۋلىق 103 كاسىپكەر 763,3 ملن تەڭگە نەسيە الىپ, كاسىبىن دوڭگەلەتىپتى.
قالماحانبەت مۇقامەتقالي,
«ەگەمەن قازاقستان»
الماتى وبلىسى
