سپورت • 17 اقپان، 2019

قازاقستاندىق فۋتبولشى گوللانديالىق كلۋبقا 6:0 ەسەبىمەن جەڭىسكە جەتۋگە كومەكتەستى

203 رەتكورسەتىلدى

قازاقستاندىق جارتىلاي قورعاۋشى الەكساندر مەركەل گوللانديانىڭ "فورتۋنوي سيتتاردپەن" وتكەن كەزدەسۋدە "حەراكلەس" كومانداسى ءۇشىن 90 مينۋت بويى ونەر كورسەتتى، دەپ حابارلايدى Vesti.kz.

ەرەدەۆيزيا 22-شى كەزەڭىنىڭ ويىنى 6:0 ەسەبىمەن اياقتالدى. "حەراكلەس" ساپىندا ونەر كورسەتەتىن يسپانيالىق سۇرمەەرگەن ادريان دالماۋ پوكەر تىركەدى: ءبىرىنشى، 51-ءشى، 60-شى جانە 78-ءشى مينۋتتاردا گول سالدى. سونىمەن قاتار، 55-ءشى مينۋتتا جارتىلاي قورعاۋشى يەسپەر دروست، ال 70 - ءشى مينۋتتا شۆەتسيالىق حاۆبەك كريستوفەر پەتەرسون قارسىلاستار قاقپاسىنان ساڭىلاۋ تابا ءبىلدى. 

"حەراكلەس" 32 ۇپايمەن التىنشى ورىنعا جايعاستى، ال "فورتۋنا" 26 ۇپايمەن 18 كوماندانىڭ تىزىمىندە ونىنشى تۇر. كەلەسى تۋردا مەركەلدىڭ كومانداسى 22 اقپاندا قوناقتا "ۆەنلومەن" وينايدى.

مەركەل وسى ماۋسىمدا 21 ويىنعا قاتىستى، سونىڭ ەكەۋىندە ول ەكى رەت ناتيجەلى پاس شىعاردى جانە بەس رەت ەسكەرتۋ الدى. 

وسىعان دەيىن، قازاقستان قۇراماسىنىڭ جاڭا باس باپكەرى ميحال بيلەك مەركەلدى تۇركياعا وقۋ-جاتتىعۋ جيىنىنىڭ كەڭەيتىلگەن قۇرامىنا جانە مولداۆيامەن جولداستىق كەزدەسۋگە قوستى. بۇل رەتتە "حەراكلەس" ويىنشىنى جىبەرمەۋگە قۇقىلى، سەبەبى ويىن فيفا كۇنتىزبەسىنە سايكەس ۇيىمداستىرىلماعان. 

ەسكە سالايىق، مەركەلدىڭ "حەراكلەس" كلۋبىنا اۋىساتىنى تۋرالى شىلدە سوڭىندا بەلگىلى بولدى. ونىڭ كەلىسىمى ءبىر جىلعا ەسەپتەلگەن جانە تاعى ءبىر ماۋسىمعا ۇزارتۋ مۇمكىندىگىن قاراستىرىلعان. وسىعان دەيىن الەكساندر مەركەل اۋستريالىق "ادميرا ۆاككەر"، نەمىستىڭ "بوحۋم"، يتاليالىق "ۋدينەزە"، "دجەنوا" جانە "ميلان"، اعىلشىننىڭ "ۋوتفورد" جانە شۆەيتساريالىق "گراسسحوپپەرس" كلۋبتارىندا ونەر كورسەتتى. 

26 جاستاعى مەركەل الماتىدا دۇنيەگە كەلگەن، بىراق ەرتە بالالىق شاقتا وتباسىمەن بىرگە گەرمانياعا كوشىپ كەتكەن. جاسوسپىرىمدەر مەن جاستار دەڭگەيىندە جارتىلاي قورعاۋشى نەمىس قۇراماسىندا ونەر كورسەتتى، ال 2015 جىلى ەۋرو-2016 بىلىكتىلىگى بويىنشا يسلانديامەن (0:0) ماتچتا قازاقستان قۇراماسى ءۇشىن بىر ويىن وتكىزدى.

ايتا كەتەيىك، مەركەل ەرەديۆيزيا رەسمي سايتىندا قازاقستان ازاماتى رەتىندە "حەراكلەس" ءۇشىن ونەر كورسەتەدى دەپ جازىلعان.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار