ايتا كەتەرلىگى, ەكى كوماندا شىعىس كونفەرەنتسياسى كوشباسشىلىعىنا تالاسىپ كەلەدى. استاناداعى وسى كەزدەسۋدە «بارىس» جەڭىسكە جەتكەن جاعدايدا بيىل بۇل كونفەرەننتسيادا قاي كوماندانىڭ جەڭىمپاز اتاناتىنى تۇبەگەيلى شەشىلەتىن ەدى. بيىل ءبىزدىڭ كوماندا «اۆانگاردتان» ايلاسىن اسىرا الماي كەلەدى. قۇرلىقتىق حوككەي ليگاسىندا بۇعان دەيىن ەكى كوماندا ءۇش مارتە كەزدەستى. بارلىعىندا ومبىلىق كلۋب جەڭىسكە جەتتى. «بارىس» سول كەتكەن ەسەنى بۇگىن قايتارۋعا كۇش سالدى. ەسەپتى ءبىرىنشى بولىپ استانالىق حوككەيشىلەر اشتى.
ءبىزدىڭ كوماندا ساپىنان 11-مينۋتتا ۆيكتور سۆەدبەرگ مەرگەندىك تانىتتى. الايدا ونى ۇستاپ تۇرا العان جوق. ءۇشىنشى كەزەڭنىڭ 49-مينۋتىندا «اۆانگارد» حوككەيشىسى نيكيتا پيۆتساكين تارازى باسىن تەڭەستىرىپ كەتتى. ويىن سوڭىنا دەىن وسى ەسەپ وزگەرگەن جوق. كەزدەسۋ وۆەرتايمعا ۇلاستى. وندا دا جەڭىمپاز انىقتالا قويعان جوق. بۋلليتتە «اۆانگارد» كومانداسىنىڭ جولى بولدى.
اتالمىش جەڭىلىسىنە قاراماستان «بارىس» شىعىس كونفەرەنتسياسىنداعى ورنىن ساقتاپ قالدى. وسىلايشا استانالىق كلۋب اتالمىش قارسىلاسىنان ءتورتىنشى مارتە جەڭىلدى. «بارىس» بۇعان دەيىن 12 اقپاندا استانادا ءنوۆوسىبىردىڭ «سيبير» كومانداسىنان 5:2 ەسەبىمەن باسىم ءتۇستى. ودان كەيىن 14 اقپاندا قىتايدىڭ «كۋنلۋن رەد ستار» كومانداسىنان 3:1 ەسەبىمەن جەڭدى. ەندى «بارىس» الداعى ءۇش كەزدەسۋىن سىرت ايدىندا وتكىزەدى. الدىمەن 18 اقپاندا ۆلاديۆوستوكتا «ادميرال», 20 اقپاندا حاباروۆسكىدە «امۋر» كوماندالارىمەن وينايدى.
قۇرلىقتىق حوككەي ليگاسىنداعى سوڭعى كەزدەسۋىن «بارىس» قىتايدىڭ «كۋنلۋن رەد ستارمەن» 22 اقپاندا وتكىزەدى. ودان كەيىن جارىستىڭ پلەي-وفف كەزەڭى باستالادى.
