«بىزدە تۇرعىن ءۇي سەكتورىن دامىتۋدا بەرىك ىرگەتاس قالاندى. 2018 جىلى 908 مىڭ شارشى مەتر تۇرعىن ءۇي پايدالانۋعا بەرىلدى. تۇرعىن ءۇي قۇرىلىسى باسىمدىقتا قالىپ وتىر, ودان ءارى «كوپ جانە قولجەتىمدى» قاعيداتى بويىنشا سالاتىن بولامىز. "كوپ" دەپ اعىمداعى جىلدىڭ 1 ميلليون شارشى مەتردەن استام تۇرعىن ءۇيدى ىسكە قوسۋ جونىندەگى مىندەتى, ال "قولجەتىمدى" دەپ قازىرگى زامانعى تەحنولوگيالاردى ەنگىزۋ جانە جەرگىلىكتى وندىرۋشىلەردىڭ قۇرىلىس ماتەريالدارىن پايدالانۋ ەسەبىنەن تۇرعىن ءۇي قۇنىن ارزانداتۋ دەپ تۇسىندىرىلەدى. ءوڭىر ءۇشىن رەكوردتىق تۇرعىن ءۇي قۇرىلىسىنىڭ كولەمىنە "7-20-25" جانە "نۇرلى جەر" باعدارلامالارىن جۇزەگە اسىرۋدىڭ ارقاسىندا قول جەتكىزىلەدى, باستاپقى جارنا 20 - دان 10 پايىزعا دەيىن تومەندەتىلگەن», - دەپ اتاپ ءوتتى بەردىبەك ساپارباەۆ.
سونداي-اق, وبلىس اكىمى ەڭ تومەنگى جالاقى دەڭگەيىن كوتەرۋ باستاماسى 70 مىڭ اقتوبە تۇرعىنىنىڭ جالاقىسىن كوبەيتۋگە مۇمكىندىك بەرگەنىن جەتكىزدى. سالىق جۇكتەمەسىنىڭ تومەندەۋىنىڭ ارقاسىندا 92 مىڭ اقتوبەلىكتىڭ جالاقىسى ارتتى. سونىمەن قاتار, ەلباسىنىڭ حالىق تابىسىنىڭ ءوسۋى تۋرالى تاپسىرماسى اياسىندا وبلىستاعى 176 كاسىپورىن 32 مىڭ قىزمەتكەردىڭ جالاقىسىن ورتا ەسەپپەن 10 پايىزعا كوتەردى. سونداي-اق, 2018 جىلى جالپى سوماسى 3 ملرد تەڭگەگە سىياقى تولەندى.
ءتورتىنشى باستامانىڭ اياسىندا مىڭداعان اقتوبەلىك شاعىن نەسيە بەرۋ قىزمەتىن پايدالانا وتىرىپ, ءوز ءىسىن باستاي الادى. بۇل ماقساتقا 2019 جىلى 5 ميلليارد تەڭگە بولىنەدى, ول قوسىمشا 2000-نان استام جاڭا جۇمىس ورنىن اشۋعا جانە ەكونوميكا قۇرىلىمىنداعى شاعىن جانە ورتا بيزنەس ۇلەسىن ارتتىرۋعا مۇمكىندىك بەرەدى.
2019-2020 جىلدىرى 7 مىڭ ادام تۇرىپ جاتقان 13 ەلدى مەكەن گازداندىرىلاتىن بولادى. ءوڭىردىڭ گازداندىرۋ دەڭگەيى 89%-عا ءوستى.
