ەكسپەريمەنتكە قاتىسۋشىلارعا نەگىزگى قۇرىلىمى بىردەي ەكى ءتۇرلى ادەبي كىتاپ ۇسىنعان. سيۋجەتى, اۆتورلىق ستيليستيكاسى, ءماتىن تىعىزدىعى, ءتىپتى كەيىپكەرلەر دە بىردەي بولعان. ەكى شىعارمانىڭ ايىرماشىلىعى – دەكوراتسيالارىندا. ءبىرىنشى كىتاپتا وقيعا رەالدى الەمدە وتەدى, ەكىنشىسىندەگى انتۋراج عىلىمي فانتاستيكانىڭ ستيلىندە. بىراق كەيىپكەرلەردىڭ قيمىل-ارەكەتى, موتيۆاتسيالارى بىردەي بولعان.
ناتيجەسىندە عىلىمي فانتاستيكانى وقىعاندار كەيىپكەرلەرىنىڭ ءىس-ارەكەتىنە تەرەڭ ءمان بەرمەيتىندەرى انىقتالادى. ولار ءۇشىن الاڭدامايدى, ماقساتتارىن تۇسىنبەيدى. ءتىپتى ەشقانداي ەموتسيالىق اسەرگە دە بولەنبەيدى. عالىمدار مۇنى عىلىمي فانتاستيكانى سالماقتى ادەبيەت رەتىندە قابىلدامايتىن ستەرەوتيپپەن بايلانىستىرادى. سول ءۇشىن دە عىلىمي فانتاستيكا وقىرمان سەزىمىنە ارالاسا المايدى دەپ تۇيگەن.
جاقىندا ارمان المەنبەتتىڭ «بەرەكەلى بيزنەستىڭ سىرى» كىتابىنىڭ تۇساۋكەسەرىندە ءبىلىم بەرۋدىڭ جاڭا مودەلىن زەرتتەپ جۇرگەن ساياسات نۇربەك قىزىق دەرەك ايتتى. ونىڭ ايتۋىنشا, قىتايدا سوڭعى ون جىلدا عىلىمي فانتاستيكانى جاپپاي وقي باستاعان جانە وقۋعا رەسمي رۇقسات بەرگەن. وعان دەيىن ول جانرداعى كىتاپتاردى وقۋعا تىيىم سالىنىپتى. قىتايلىق ينجەنەرلەر الەمدە قانداي تەحنيكا شىقسا دا سونى اينىتپاي كوشىرە الادى ەكەن. بىراق وزدەرى جاڭا نارسە ويلاپ تابۋعا قابىلەتسىز بولىپ شىعادى. ال باتىس, امەريكا ينجەنەرلەرى عىلىمي يندۋستريانىڭ بيىگىنە شىققان. قىتايلار سونىڭ سەبەبىن ىزدەگەندە, باتىس, امەريكا ينجەنەرلەرى كىتاپتى, اسىرەسە عىلىمي فانتاستيكانى قاتتى وقيتىن بولىپ شىعادى. سودان بەرى ولار دا عىلىمي فانتاستيكاعا جاڭا جول اشقان. قازىر قىتاي كينو نارىعىندا دا عىلىمي فانتاستيكانىڭ ەلەمەنتتەرى ارالاسقان فيلمدەر كوپتەپ شىعىپ جاتقان كورىنەدى.
باعاشار تۇرسىنباي ۇلى,
«Egemen Qazaqstan»
