قازىر بيووتىنمەن جاعىلاتىن 10 قازاندىق جۇمىس ىستەيدى. ولاردىڭ 4-ءۋى اۋداندىق بيۋدجەتتەن بولىنگەن قاراجاتقا ورناتىلسا, قالعانى جەرگىلىكتى اگروقۇرىلىمنىڭ دەمەۋشىلىگىمەن ورناتىلعان. ءسويتىپ ءبىر جىلىتۋ ماۋسىمىندا 50 پروتسەنت ۇنەمدىلىككە قول جەتىپ وتىر.
ايازدى كۇندەرى ەڭبەك ەرى ەسىم شايكين اتىنداعى ورتا مەكتەپ سالقىنداپ كەتەتىن. قازىر بولمەلەر جىپ-جىلى. جۇقا جەيدەمەن دە جۇرە بەرۋگە بولادى. ويتكەنى, قازاندىق بيووتىن ارقىلى جاعىلادى. مەكتەپ ديرەكتورى ءاليا امىرەنوۆانىڭ ايتۋىنشا, قازاندىقتى ء “ابي-جەر” كومپانياسى تەگىن قويىپ بەرىپتى. قىزمەت كورسەتەتىن دە, وتىنمەن قامتاماسىز ەتەتىن دە–سەرىكتەستىك . جىلىنا كەمىندە 400 مىڭ توننا كومىر الىنىپ كەلسە, ەندى ەكولوگياعا كەلتىرىلەتىن زيان مولشەرى دە, شىعىن دا ازايعان.
وزىق تەحنولوگياعا نەگىزدەلگەن جاڭا قازاندىقتاردىڭ ارتىقشىلىقتارى كوپ. قوندىرعى زىعىر سابانى جانە قايىڭ اعاشىمەن تۇتانىپ, ۇشقاباتتى عيماراتتى ەش قيىندىقسىز جىلىتادى. ء “ابي-جەر” سەرىكتەستىگىنە مەكتەپ اي سايىن ارنايى تاريف بويىنشا جىلۋ ءۇشىن عانا تولەم جاسايدى.
«جىلۋدىڭ 1 گيگاكالورياسى ءۇشىن شامامەن 6 مىڭ تەڭگە تولەنەدى. جۋىردا ء“ابي-جەر» كومپانياسى تاعى 5 قازاندىق ورناتىپ بەردى. مۇنداي قازاندىقتار اۋىلداردا دا بار. وتاندىق ءونىم قوستانايدا جاسالعاندىقتان, پولشالىق قوندىرعىدان اجەپتاۋىر ارزان. بىلتىر بۇل ماقسات ءۇشىن جەرگىلىكتى بيۋدجەتتەن 10 ميلليون تەڭگە جۇمسالدى», دەيدى اۋداندىق ءبىلىم ءبولىمىنىڭ باسشىسى قايرات جانگۋجينوۆ.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
