ايماقتار • 07 اقپان، 2019

جىمپيتىدا «اللا» دەگەن جازۋى بار الا قوزى تۋدى

575 رەتكورسەتىلدى

«باتىس قازاقستان وبلىسىنىڭ سىرىم اۋدانىندا بۇيىرىندە «اللا» دەگەن جازۋى بار قوزى تۋدى» دەپ حابارلايدى سول اۋدانداعى ارىپتەسىمىز باۋىرجان شيرمەدين ۇلى.

قازىر اۋىلداعى اعايىننىڭ قوراسىندا ەرتە ساۋلىقتار تولدەي باستادى. سىرىم اۋدانىنداعى بۇلان اۋىلدىق وكرۋگىنە قاراستى جامبىل اۋىلىندا 28 قاڭتار كۇنى قوزداعان ساۋلىقتاردىڭ ءبىرىنىڭ ءتولى ەرەكشە ەكەنىن مال يەسى مەدەت ساناق ۇلى بايقاپتى.

- ءتولدى جىلى جەرگە ءبولىپ ءجۇرىپ قوزىنىڭ بۇيىرىنە كوزىم ءتۇستى. اراب جازۋىن شىرامىتتىم. ۋنيۆەرسيتەتتە وقىپ جۇرگەندە اراب ارىپتەرىن ۇيرەنىپ ەدىم. انىعىن بىلمەك بولىپ، قوزىنىڭ سۋرەتىن دوستارىما جىبەردىم. – دەيدى مەدەت سادىقوۆ.

الەۋمەتتىك جەلى ارقىلى تاراعان سۋرەتتى كورگەن الماتىلىق ءدىن قىزمەتكەرى، بۇرىن سىرىم اۋداندىق مەشىتتىڭ يمامى بولعان باقىتجان قۇرالباي ۇلى قوزىنىڭ بۇيىرىندەگى تاڭبا «اللا» دەگەن جازۋعا ۇقسايتىنىن، ال سارىاعاش مەدرەسەسىنىڭ ۇستازى ورازبەك جامبىل ۇلى جازۋدىڭ اراب جازۋىمەن 80 پايىزعا سايكەسەتىنىن ايتقان.

- وسىنداي مىسالدار ارقىلى اللا ءوزىنىڭ بار ەكەنىن ەسىمىزگە سالۋدا، – دەپ سانايدى سىرىم اۋداندىق مەشىتىنىڭ نايب يمامى جاسقانات ەرسايىنوۆ. ول وقيعا بولعان جامبىل اۋىلىنا بارىپ، نىسانالى قوزىنى كوزىمەن كورىپ قايتقان ەكەن.

سۋرەتتى تۇسىرگەن باۋىرجان شيرمەدين ۇلى

قازبەك قۇتتىمۇرات ۇلى،

«ەگەمەن قازاقستان»

باتىس قازاقستان

سوڭعى جاڭالىقتار

ۇقساس جاڭالىقتار