وتىرىسقا كوميسسيا مۇشەلەرى, مەملەكەتتىك ورگاندار باسشىلارى قاتىستى. بەينەكونفەرەنتسيا بايلانىس رەجيمىندە – وبلىس, رەسپۋبليكالىق ماڭىزى بار قالا اكىمدەرىنىڭ ورىنباسارلارى, توتەنشە جاعدايلار جونىندەگى دەپارتامەنت باسشىلارى ەسەپ بەردى.
وتىرىس بارىسىندا ەلىمىز تۇرعىن ءۇي سەكتورىنداعى ءورت قاۋىپسىزدىگىن قامتاماسىز ەتۋدىڭ ارى قارايعى شارالارى جان جاقتى پىسىقتالدى. اعىمداعى جىلدىڭ 5 اقپانىنداعى ۇكىمەت وتىرىسىندا پرەمەر-ءمينيستردىڭ تاپسىرمالارىن ورىنداۋ شەڭبەرىندە قر ىشكى ىستەر مينيسترلىگىنىڭ توتەنشە جاعدايلار جونىندەگى كوميتەتى بولىمشەلەرىمەن رەسپۋبليكالىق جانە وڭىرلىك دەڭگەيدە ءورتتىڭ الدىن الۋ جۇمىستارىن ۇيىمداستىرۋ جونىندەگى شتابتى قۇرۋ بويىنشا جۇمىستار باستالدى. جىلىتۋ كەزەڭىنىڭ سوڭىنا دەيىن تۇرعىن ءۇي سەكتورىنداعى ءورتتىڭ الدىن الۋ بويىنشا كەشەندى پروفيلاكتيكالىق ءىس-شارالار جالعاسىن تاباتىن بولادى.
بۇدان باسقا, ءتۇسىندىرۋ جۇمىستارىن وتكىزۋ ساپاسىن كۇشەيتۋ, سونداي-اق تۇرمىستاعى ءورت قاۋىپسىزدىگى سالاسىنان تۇسىنىگى بار ازاماتتاردىڭ قاتارىن كوبەيتۋ جونىندەگى قوسىمشا شارالاردى جۇزەگە اسىرۋ قاراستىرىلعان.
«2017-2020 جىلدارعا ارنالعان سۋ تاسقىنى قاۋپىن جويۋ جانە الدىن الۋ جونىندەگى كەشەندى شارالار» جول كارتاسىن جۇزەگە اسىرۋ جونىندە قر ىشكى ىستەر ءمينيسترى ق.قاسىموۆ حاباردار ەتە كەتتى. سوڭعى ەكى جىلدا وتكىزۋ قابىلەتى ارتتىرىلعان 64 كوپىرگە, 119 گيدروتەحنيكالىق قۇرىلعىعا جوندەۋ جۇرگىزىلىپ, 174 قورعانىش دامباسى سالىنعان جانە كۇشەيتىلگەن. تولىقتاي العاندا, جول كارتاسىمەن شامامەن 600 ءىس-شارانى جۇزەگە اسىرۋ قاراستىرىلعان.
2018-2020 جىلدارعا ارنالعان تج جونىندەگى دەپارتامەنتتى كەزەڭىمەن ماتەريالدىق-تەحنيكالىق جاراقتاندىرۋ جونىندەگى جول كارتاسى ازىرلەنىپ وتىر. سۋتاسقىنى قاۋىپتى كەزەڭىندەگى ازاماتتىق قورعاۋدىڭ مەملەكەتتىك جۇيەسىنىڭ قۇرالدارى مەن كۇشتەرى, باسقارۋ ورگاندارىنىڭ دايىندىعى تۋرالى قر ىشكى ىستەر ءمينيسترىنىڭ ورىنباسارى يۋ.يلين بايانداپ بەردى.
وتىرىستا سونداي-اق قر باس پروكۋرورىنىڭ ورىنباسارى ا.لۋكين, قر ەنەرگەتيكا ۆيتسە-ءمينيسترى س.نۇرلىباي, قر اۋىل شارۋاشىلىعى ۆيتسە-ءمينيسترى ە. نىسانباەۆ, قر يندۋستريا جانە ينفراقۇرىلىمدىق دامۋ ۆيتسە-ءمينيسترى ك.وسكەباەۆ ءسوز الدى. ولار تەمىر مەن اۆتوموبيل جولدارىن سۋ باسۋدىڭ الدىن الۋ جونىندەگى شارالاردى, جول جەلىلەرىن سۋ باسقانداعى جاعدايى, تاسقىن سۋدى قابىلداۋ ءۇشىن سۋ قويمالارىنىڭ تەحنيكالىق دايىندىعى جانە جالپى سۋ تاسقىنى كەزەڭىنە دايىندىق بارىسىن ورتاعا سالدى.
سۋ تاسقىنى كەزەڭىنە دايىندىق تۋرالى الماتى, شىعىس-قازاقستان, قاراعاندى, قىزىلوردا, پاۆلودار جانە تۇركىستان وبلىستارى اكىمدەرىنىڭ ورىنباسارلارى ايتىپ بەردى.
«پرەمەر-ءمينيستردىڭ ءبىرىنشى ورىنباسارى وڭىرلەردە جول كارتاسىنداعى سۋ تاسقىنى قاۋپىنىڭ الدىن الۋ جونىندەگى بىرقاتار ءىس-شارالاردىڭ ورىندالماعاندىعىن قاداپ ايتىپ, «جول كارتاسىنداعى ءىس-شارالاردىڭ ورىندالماۋى وڭىرلەردە تج تۋىنداۋى قاۋىپىنە الىپ كەلۋى مۇمكىن» ەكەندىگىن ەسكەرتتى.
- «يەسى جوق سۋقويمالارىنىڭ, گيدروتەحنيكالىق قۇرىلعىلاردىڭ بولۋى قاراعاندى وبلىسىندا ورىن العانداي, توتەنشە جاعدايلارعا الىپ كەلۋى مۇمكىن. تاياۋدا تاسقىن سۋدىڭ الدىن الۋ كەزەڭى باستالادى. جاۋاپتى مەملەكەتتىك ورگاندارعا ءاربىر وڭىردەگى يەسىز قۇرىلىستاردى كوممۋنالدىق يەلىككە وتكىزۋ ماسەلەلەرىن قاتان باقىلاۋعا الۋ كەرەك», - دەپ اتاپ كورسەتتى ا.مامين.
اۋىل شارۋاشىلىعى ءمينيسترىنىڭ ورىنباسارى ە.نىسانباەۆ 2018 جىلى انىقتالعان 49 يەسىز قۇرىلىستىڭ 21-ءى ەسەپكە الىنعاندىعىن, ال قالعان 28-ءى بويىنشا ولاردىڭ جاعدايى باقىلاۋعا الىنىپ, ەسەپكە قويىلىپ جاتقاندىعىن حابارلادى.
ءبىرىنشى ۆيتسە-پرەمەر بارلىق مۇددەلى مەملەكەتتىك ورگاندارعا الداعى كوكتەمگى كەزەڭدەگى بولجامدى ەسەپكە الا وتىرىپ جانە تاۋەكەلدەردى ەسكەرە, تاسقىن سۋ قاۋپىنەن ينفراقۇرىلىمدار مەن ەلدى مەكەندەردى ماكسيمالدى قورعاۋدى قامتاماسىز ەتۋ, سۋ تاسقىنى قۇبىلىسىن بولدىرماۋ جونىندەگى بارلىق قاجەتتى شارالاردى قابىلداۋدى تاپسىردى.
