وبلىس اكىمدىگىنىڭ قولداۋىمەن جارىق كورگەن كىتاپتاردىڭ اۆتورلارى – ەلگە بەلگىلى قالامگەرلەر. اتاپ ايتساق, مارحابات بايعۇتتىڭ «ارشاكيە», ءحانبيبى ەسەنقارقىزىنىڭ «جىبەك», نارماحان بەگالى ۇلىنىڭ «جاز-جالبىز», يسا وماردىڭ «ادامدىق قاعيداسى», مومبەك ابدىاكىم ۇلىنىڭ «زوبالاڭ», ەسقارا توقتاسىن ۇلىنىڭ «بەلاسقان», زاحاردين قىستاۋبايدىڭ «جۇرەكتىڭ ءسوزى», نۇرعالي قىدىرباەۆتىڭ «شىعىستىڭ سۇلتانبەگى», سارسەنبەك ساحابباتتىڭ «قىرعاۋىل قونعان جيدەتال» سىندى كىتاپتارى وقىرمانعا جول تارتتى. سونىمەن بىرگە وڭىردەگى جاس اقىنداردىڭ شىعارمالارى «تۇركىستان تۇلەكتەرى» دەگەن كىتاپقا توپتاستىرىلعان.
ەلگە ەسىمى ءمالىم جازۋشىلار مەن اقىندار قاتىسقان كىتاپتاردىڭ تۇساۋكەسەرىندە وبلىس اكىمىنىڭ ورىنباسارى مالىك وتارباەۆ قۇتتىقتاۋ ءسوز سويلەپ, قالامگەرلەردىڭ قوعامداعى ورنى ەرەكشە ەكەنىن اتاپ ءوتتى. «اقىن-جازۋشىلار, قولىنا قالام ۇستاعان تۇلعالار – قاشان دا ۇلتتىق قۇندىلىقتاردىڭ ناسيحاتتاۋشىلارى ءارى قوعامنىڭ تىرەگى. قازىر تۇركىستان وبلىسى تاريحي كەزەڭدى باستان وتكەرۋدە. مىنە, وسى تاريحي كەزەڭدە قالامگەرلەر قاۋىمىنىڭ وبلىستىڭ دامۋىنا قوساتىن ۇلەسى وراسان زور. بۇگىن وبلىس اكىمى جانسەيىت قانسەيىت ۇلىنىڭ تىكەلەي قولداۋىمەن جارىق كورگەن 10 كىتاپ وقىرمانعا جول تارتقالى تۇر», - دەدى مالىك وتارباەۆ. سونداي-اق ول وبلىس اكىمدىگى تاراپىنان رۋحانياتقا, ادەبيەتكە قولداۋ كورسەتۋ جالعاساتىنىن ايتا كەلە, قالامگەرلەردى بىرگە جۇمىس ىستەپ, تۇركىستاندى تۇلەتۋگە ۇلەس قوسۋعا شاقىردى.
عالىمجان ەلشىباي,
«Egemen Qazaqstan»
تۇركىستان وبلىسى
