سىيلاستىق سىرى
بەيسەنبى, 25 قازان 2012 7:19
ءبىزدىڭ چەشەن حالقىنان شىققان الەمگە تانىمال وقىمىستى, ساياساتكەر, قوعام قايراتكەرى ابدۋراحمان اۆگورحانوۆ – ستاليندىك رەجىمگە قارسى شىققانى ءۇشىن بۇكىل ءومىرى قۋعىن-سۇرگىنگە ۇشىراپ, شەت ەلگە ءوتىپ كەتۋگە ءماجبۇر بولعان ادام. سول كىسى 1992 جىلى گەرمانيادا تۇرىپ جاتقان قازاقتارمەن جولىققاندا ءدۇيىم جۇرتتىڭ الدىندا: «قازاقتاردىڭ بىزدەردەن, ياعني كاۆكازدىقتاردان ايىرماشىلىعى – الدەقايدا شىدامدى, ۇستامدى, بەيبىتشىلىكسۇيگىش حالىق. بۇل ۋاقىتشا عانا. ال, ەگەر ۇلتقا نەمەسە ولاردىڭ جەرىنە كادىمگىدەي سوراقى قاۋىپ ءتونىپ تۇرعان بولسا, وسى ساتتە ولاردىڭ بويىن اتا-بابالارىنان سىڭگەن كۇرەسكەرلىك رۋح كەرنەپ كەتەدى.
بەيسەنبى, 25 قازان 2012 7:19
ءبىزدىڭ چەشەن حالقىنان شىققان الەمگە تانىمال وقىمىستى, ساياساتكەر, قوعام قايراتكەرى ابدۋراحمان اۆگورحانوۆ – ستاليندىك رەجىمگە قارسى شىققانى ءۇشىن بۇكىل ءومىرى قۋعىن-سۇرگىنگە ۇشىراپ, شەت ەلگە ءوتىپ كەتۋگە ءماجبۇر بولعان ادام. سول كىسى 1992 جىلى گەرمانيادا تۇرىپ جاتقان قازاقتارمەن جولىققاندا ءدۇيىم جۇرتتىڭ الدىندا: «قازاقتاردىڭ بىزدەردەن, ياعني كاۆكازدىقتاردان ايىرماشىلىعى – الدەقايدا شىدامدى, ۇستامدى, بەيبىتشىلىكسۇيگىش حالىق. بۇل ۋاقىتشا عانا. ال, ەگەر ۇلتقا نەمەسە ولاردىڭ جەرىنە كادىمگىدەي سوراقى قاۋىپ ءتونىپ تۇرعان بولسا, وسى ساتتە ولاردىڭ بويىن اتا-بابالارىنان سىڭگەن كۇرەسكەرلىك رۋح كەرنەپ كەتەدى. سويتىپ, ءوز جەرى, ءوز حالقى ءۇشىن شىبىن جانىن قيۋعا دەيىن بارادى. مۇنى ولار تاريحتا الدەنەشە رەت دالەلدەدى», دەپ ايتقان. بۇل جەردە مەنىڭ ايتايىن دەپ وتىرعانىم, تاعدىردىڭ جازۋىمەن قازاق جەرىنە كەلىپ تۋىپ-وسكەننەن كەيىن وسى ەل ادامدارىمەن تۋىس, دوس, باۋىر بولىپ, جاقسى سىيلاسامىن. قازاق حالقىنىڭ ادامي قاسيەتىنە باس يەمىن. جۇرگەن ورتامدا ادال, پاتريوت, كىشىپەيىل بولىپ وسۋىمە قازاق باۋىرلارىمنىڭ تيگىزگەن پايداسى زور. وسىنداي ادامگەرشىلىكتىڭ باستاۋىنا اينالعان قازاقى قۇندىلىقتاردى ءاردايىم وي ەلەگىنەن وتكىزىپ وتىرامىن.
قازاقستان – ءبىزدىڭ ورتاق ءۇيىمىز. مەندە ءبىر عانا وتان بار. ول – قازاقستان. جەكەلەگەن ازاماتتار سەكىلدى ەكىنشى وتانىم دەگەن ءسوز مەنىڭ اۋزىمنان شىققان ەمەس. شىقپايتىنىنا دا بەك سەنىمدىمىن. بالالارىمنىڭ بارلىعى قازاق ءتىلىندە تازا سويلەيدى. ءبىر قىزىمنىڭ دومبىرا تارتاتىنىن ماقتان تۇتامىن. بىلە بىلسەڭىز, بۇل ۇلتتىق ونەرگە ءتاۋ ەتىپ, قۇرمەتتەۋ, سىيلاۋ, ەڭ باستىسى – باعالاپ, قادىرىنە جەتە ءبىلۋ ەمەس پە؟! نەگىزى, جۇرەك قالاۋىمەن تاڭداپ العان ماماندىعىم جۋرناليست. سوندىقتان با ەكەن, ايتەۋىر قازاق ءتىلىن جەتىك ءبىلىپ, تازا سويلەۋمەن شەكتەلمەي, كەيبىر ورتالاردا قازاقتار جۇرتتىڭ نازارىن وزدەرىنە اۋدارا ءوزارا ورىس تىلىندە ءسويلەسىپ تۇرعاندارىن كورسەم, سول ادامدارمەن اۋەلى قازاق تىلىندە امانداسامىن. سۇڭعىلا, مادەنيەتتى جاندار بولسا, بىردەن اڭگىمەلەرىن انا تىلىندە جالعاستىرا قويادى. مۇنى جەكە باسىمنىڭ پاتريوتتىعى دەپ قانا باعالاماي, مەملەكەتتىك ءتىلدى دامىتۋعا قۇددى قارلىعاشتىڭ قاناتىمەن سۋ سەپكەندەي سەپتىگىمنىڭ تيگەنى دەپ بىلەمىن.
قورىتا ايتقاندا, قادىرمەندى مۇسىلمان قاۋىمى, ءسىزدەردى ءوزىمنىڭ جانە قانداستارىم – چەشەندەردىڭ اتىنان قۇربان ايت مەيرامىمەن شىن جۇرەگىمنەن قۇتتىقتايمىن.
اتساليم يديگوۆ,
قازاقستان حالقى اسسامبلەياسىنىڭ مۇشەسى.
الماتى وبلىسى.
