جيىنعا جوعارى جانە ورتا ارناۋلى وقۋ ورىندارىنىڭ ستۋدەنت جاستارى, ۇستازدار ۇجىمى مەن زيالى قاۋىم وكىلدەرى قاتىستى. شاكارىم ۋنيۆەرسيتەتىنىڭ رەكتورى, پروفەسسور مەيىر ەسكەندىروۆ جيىن بارىسىندا ماڭىزدى وي-پىكىرلەرىمەن ءبولىسىپ, جاستاردىڭ بارلىق باستامالارىن ءبىراۋىزدان قولدايتىنىن جەتكىزدى. ستۋدەنت جاستار دا بەلسەندىلىك تانىتىپ, وزدەرىنىڭ ۇسىنىس-پىكىرلەرىن ورتاعا سالدى.
سەمەيدەگى جاستار رەسۋرستىق ورتالىعىنىڭ ديرەكتورى ولجاس سوعىمباي الداعى ۋاقىتتا اتقارىپ جاتقان جۇمىستار لەگىنە توقتالدى.
- جاستار كەز كەلگەن قوعامنىڭ بولاشاعى مەن قوزعاۋشى كۇشى بولىپ سانالادى. بۇل دەگەنىمىز مەملەكەتتىڭ تۇراقتى دامۋىنىڭ نەگىزگى باسەكەگە قابىلەتتى جاستار بۋىنى دەگەن ءسوز. بارلىعى دا قازاقستاندىقتاردىڭ ءبىلىم مەن بىلىك سالاسىنا,ولاردىڭ ۇمتىلىسى مەن ىنتاسىنا بايلانىستى.سوندىقتان دا مەملەكەتتىك ساياساتتىڭ نەگىزگى باعىتىنىڭ ءبىرى جاستار سەكتورى. جاستار سەكتورىنا قازاقستاندا ايرىقشا نازار اۋدارىلادى,- دەدى ول.
«جاستار جىلى» بىزگە ەرەكشە قاجىر-قايرات بەرەدى, دەگەن رەسۋرستىق ورتالىقتىڭ مامانى دۋمان كەنجەعازين دە جيىنعا بەلسەنە اتسالىستى.
-مەنىڭ ويىمشا ەلباسىمىز ن.ءا.نازارباەۆ بىزگە ۇلكەن مۇمكىندىكتەر,بيىك ارماندار بەرىپ وتىر. مىسالعا الاتىن بولساق, 2020 جىلعا دەيىن 77 مىڭ ورىنعا ارنالعان جاتاقحانالار سالىنادى, «جاسىل قالا», «جاسىل اۋىل» جالپىۇلتتىق جوباسى باستاۋ الدى. ەرىكتى رەتىندە قوعامعا پايدالى قىزمەت كورسەتىپ جۇرگەن ستۋدەنتتەردىعڭ شاكىرتاقىسىنا 30% ارتادى جانە دە تاعى باسقالارى,-دەدى شاكارىم اتىنداعى ۋنيۆەرسيتەتتىڭ ستۋدەنتى گ ۇلىم چاكي,-«2019 جىل - جاستار جىلى»دەپ جاريالاندى. ءبىز ءۇشىن ۇلكەن مارتەبە ەكەندىگىمەن كەلىسەمىن,سەبەبى جىل ايىن جاستارعا كوپتەگەن قولداۋلار كورسەتىلىپ, جەڭىلدىكتەر بەرىلەدى. بىراق وسى جىلى جاستاردىڭ مۇمكىنشىلىكتەرى ەكى ەسە ارتاتىنى ءسوزسىز.
راۋشان قابجانقىزى
«ەگەمەن قازاقستان»
سۋرەتتى تۇسىرگەن اۆتور
سەمەي
