بيىل «سارىارقااۆتوپپروم» زاۋىتى 20 000 ماشينانى ساپقا قوياتىن بولادى. بۇل وتكەن جىلعا قاراعاندا 1,6 ەسە كوپ دەگەن ءسوز. سوندىقتان زاۋىتقا بىلىكتى ماماندار مەن جۇمىسشىلار كەرەك-اق. ينۆەستور جاستاردى باعىتتاۋ ءۇشىن جەرگىلىكتى جوعارى, ورتا وقۋ ورىندارىنىڭ باسشىلارىمەن, ءتىپتى مەكتەپ ديرەكتورلارىمەن كەزدەسۋگە دايىن ەكەنىن ءبىلدىردى.
«وتكەن جىلى قىتايدىڭ اۆتوموبيل يمپورتى جانە ەكسپورتى جونىندەگى ءىرى ترانسۇلتتىق كومپانياسى سمس (China National Machinery IMP. & EXP. CORP) ءبىزدىڭ اكتسيونەرىمىز بولعان. ءبىزدىڭ الدىمىزعا وندىرىستىك جوسپار قويدى, ءبىز ەندى جىل تاۋلىگىندە 250 مامان الۋىمىز قاجەت» دەيدى «ساىرارقااۆتوپپروم» جشس ديرەكتورىنىڭ تەحنيكالىق دامۋ جونىندەگى ورىنباسارى سەرگەي موگيلاتوۆ.
زاۋىتتا وتكەن ماشينا جاساۋ ىسىنە كاسىبي باعىتتاۋ فورۋمى ءوندىرىستى جۇمىسشى كۇشىمەن جانە ماماندارمەن قامتاماسىز ەتۋ ءىسىن تالقىلادى.
«جاستار زاماناۋي وندىرىستە جۇمىس ىستەگىسى كەلەدى. الايدا قازىر جاستاردىڭ بارلىعى بىردەي قوستانايدا وسىنداي كاسىپورىننان كوڭىلىندەگىنىڭ ءبارىن تابۋىنا بولاتىنىن تۇسىنە بەرمەيدى. ءبىز وزىمىزدەگى تاماشا كاسىپورىندا جاستاردىڭ جۇمىس ىستەۋىنە, بولاشاقتا لاۋازىمعا وسۋىنە دە مۇمكىندىك بار ەكەنىن جەتكىزۋىمىز قاجەت» دەيدى قوستاناي وبلىستىق كاسىپوداقتار ورتالىعىنىڭ ءتورايىمى ەكاتەرينا سمىشلياەۆا.
ءوندىرىس كاسىپورنى قازىر وبلىستاعى جەتەكشى وقۋ ورىندارىمەن ستۋدەنتتەردى ماشينا جاساۋ ىسىنە ماشىقتاندىرۋ ءۇشىن ءدۋالدى وقىتۋ جونىندە تىعىز جۇمىس ىستەپ كەلەدى. الداعى ۋاقىتتا زاۋىت وڭىردەگى بارلىق وقۋ ورىندارىمەن بايلانىس ورناتۋدى جوسپارلاپ وتىر.
ءنازيرا جارىمبەت,
Egemen Qazaqstan,
قوستاناي
