«قورقىت اتا» كس جۇمىسىنىڭ باستالۋىمەن «بەينەۋ-بوزوي-شىمكەنت» مگق وتكىزگىشتىك قۋاتىن جىلىنا 10 ملرد م3-دەن 15 ملرد م3-گە دەيىن ارتتىرۋ بويىنشا ءىرى ينۆەستيتسيالىق جوبانى ىسكە اسىرۋ اياقتالدى. بۇل رەتتە 5 ملرد م3 گاز ەلدىڭ وڭتۇستىك وڭىرلەرىنىڭ كوگىلدىر وتىن قاجەتتىلىگىن تولىعىمەن جابادى, ال 10 ملرد م3 قىتايعا ەكسپورتتالماق. ستانسا قىزىلوردا وبلىسى قازالى اۋدانى اقسۋات كەنتىنە جاقىن ورنالاسقان.
وسى ينۆەستجوبانى ىسكە اسىرۋ اياسىندا «بەينەۋ-بوزوي-شىمكەنت» گاز قۇبىرىنىڭ بويىنداعى تۇركىستان جانە قىزىلوردا وبلىستارىنىڭ اۋماقتارىندا قوسىمشا ءۇش كومپرەسسورلىق ستانسا جۇمىس ىستەي باستادى: «ارال» كس – گاز قۇبىرىنىڭ 518-ءشى شاقىرىمىندا, «قورقىت اتا» كس - 725-ءشى شاقىرىمىندا جانە «تۇركىستان» كس - 1230-شى شاقىرىمدا, ولاردىڭ ەكەۋى وتكەن جىلدىڭ سوڭىندا پايدالانۋعا بەرىلگەن.
«قورقىت اتا» كس «قازترانسگاز» اق قاراجاتى ەسەبىنەن قارجىلاندىرىلىپ, رەكوردتىق قىسقا مەرزىم ىشىندە سالىنعان, سوڭعى ەكى ايدا ىسكە قوسىلعان ءۇشىنشى جوعارى تەحنولوگيالى ستانسا بولىپ تابىلادى.
«بەينەۋ-بوزوي-شىمكەنت» گاز قۇبىرى - تاۋەلسىز قازاقستان تاريحىنداعى ەڭ ءىرى قۇبىر جوباسى جانە مەملەكەتىمىزدىڭ ەنەرگەتيكالىق قاۋىپسىزدىگىن ارتتىرۋدا ماڭىزدى ءرول اتقارادى. «بەينەۋ-بوزوي-شىمكەنت» مگق قۇرىلىسىنىڭ ارقاسىندا قازاقستان وڭتۇستىككە گازدى تۇراقتى جەتكىزۋدى قامتاماسىز ەتۋ, ەلدىڭ بىرىڭعاي گاز تاسىمالداۋ جۇيەسىن قۇرۋ جانە سىرتقى نارىقتارعا قازاقستاندىق گاز ەكسپورتىن ارتتىرۋ ءتارىزدى ماڭىزدى ءۇش مىندەتتى شەشە الدى.
