بۇعان ج.قاسىمبەك دەپۋتاتتار تاراپىنان بولىنەتىن جۇكتەردى بولشەكتەپ تاسۋ تۋرالى ۇسىنىس جاسالعاندىعىن ايتتى.
وسى مەزەتتە ءمينيستردىڭ ءسوزىن بولگەن ءماجىلىس توراعاسى بۇل ماسەلەنىڭ وتە ماڭىزدى ەكەندىگىن اتاپ ءوتتى.
– ءبىز جىل سايىن جول سالۋ جانە جوندەۋ جۇمىستارىنا ميللياردتاعان قارجى جۇمساپ وتىرمىز. ءبىراز قاراجاتتى حالىقارالىق قارجى ينستيتۋتتارىنان قارىزعا الامىز. سول ءۇشىن ۇستەمە پايىز تولەيمىز. ال اۋىر جۇك كولىكتەرىنە كەلگەندە ءوز جولدارىمىزبەن جۇرۋگە رۇقساتتى وپ-وڭاي بەرە سالامىز. اقشا تولەنسە بولدى, كولىكتىك باقىلاۋ قىزمەتى رۇقساتىن بەرەدى. كەيىن ەۋروپا ەلدەرىندەگى جولداردىڭ ساپالى ەكەندىگىنە, ال ءبىزدىڭ جولداردىڭ تەز بۇزىلاتىنىنا تاڭ قالىپ جاتامىز. ويتكەنى, ول جاقتا جۇك تاسىمالدايتىن اۋىر كولىكتەردىڭ قوزعالىسىنا وڭايشىلىقپەن رۇقسات بەرىلمەيدى. ونىڭ وزىندە بولىنبەيتىن جۇكتى تاسىمالداۋعا عانا رۇقسات ەتىلەدى, – دەدى ن.نىعماتۋلين.
ءماجىلىس توراعاسىنىڭ ايتۋىنشا, بۇنداي تالاپ كورشىلەس رەسەي مەن قىرعىزستاندا ەنگىزىلگەن. سوندىقتان دا اۋىر جۇكتەردى ءبولىپ تاسىمالداۋ ءتارتىبىن ۇسىنعان دەپۋتاتتاردىڭ ۇسىنىستارىن قابىلدانۋى قاجەت.
يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك بۇل ۇسىنىستى تولىعىمەن قولدايتىنىن جەتكىزدى.
سەرىك ابدىبەك,
«Egemen Qazagstan»
