وتكەن جىلى كەنتتە ءبىر جىلداي ۋاقىت قىزمەت ەتكەن بۇرىنعى اكىم داۋلەت تايعۋلين ءوز ەركىمەن جۇمىستان كەتكەن-ءدى. اكىمگە كوشەلەردى جوندەۋ كەزىندە 6,6 ميلليون تەڭگەنى ءتيىمسىز پايدالانعان دەگەن ايىپ تاعىلعان كورىنەدى. ال كەنتتىڭ كەزەكتى جاڭا اكىمىن سايلاۋ بيىلعى جىلدىڭ 28 اقپانىنا جوسپارلانۋدا. سوندىقتان ا.كۇمپەكەەۆ ەندىگى اكىمدى تاڭداۋ كەزىندە جەرگىلىكتى تۇرعىنداردىڭ پىكىرىمەن ساناسۋعا ۋادەسىن بەردى.
- ەگەر دە سىزدەر جاڭا اكىمدى قولداماساڭىزدار, ول دا ءبىر-ەكى اپتادان كەيىن كەتۋى قالۋى دا مۇمكىن. قولداپ, بىرگە جۇمىس جاساساڭىزدار, - دەدى قالا اكىمى.
تۇرعىنداردىڭ كوڭىلدەرىنەن شىقپادى ما, كەنتتىڭ تاعى ءبىر بۇرىنعى اكىمى جەڭىس ابىكەن كورشى قىزىلجار اۋىلىنا اۋىسقان-دى. تۇرعىندار م.مامەتوۆا كوشەسىندەگى اسفالت جامىلعىسىنا ءتيىستى ستاندارتتارعا ساي جوندەۋ جۇرگىزبەگەن مەردىگەردىڭ ءىسىن اياقتاۋعا ءماجبۇر ەتكەن-ءدى. بۇرىنعى اكىم د.تايعۋلينننىڭ دە قىزمەتىنەن كەتۋىنە دە وسى ماسەلە سەبەپ بولعانداي.
كوشەنى رەتكە كەلتىرۋگە بيۋدجەتتەن 10 ميلليون تەڭگە بولىنگەن. ال, جالپى كەنتتەگى كوشەلەردىڭ ۇزىندىعى 66 شاقىرىمدى قۇراسا, قازىر 44 كوشە, ياعني, ءالى 47 شاقىرىمى اسفالت توسەۋدى قاجەت ەتۋدە. كەنت اكىمىنىڭ مىندەتىن اتقارۋشى ءاليا ىبىراەۆا تۇرعىندار الدىندا ەسەپ بەردى.
ەسەپ بەرۋ كەزەڭى بويىنشا اۋىل بيۋدجەتى شامامەن 308 ميلليون تەڭگەنى قۇرادى. وڭىرلەردى 2020 جىلعا دەيىن دامىتۋ باعدارلاماسى اياسىندا اۋىلدا 52 كوشەگە اۋلاىشىلىك سۋ قۇبىرى جۇرگىزىلىپ, 1880 تۇرعىن ۇيگە سۋ جەلىلەرى تارتىلىپتى. اۋىل ىشىندەگى 3 كوشەنىڭ جولدارى جوندەلدى, تۇرعىنداردىڭ قاۋىپسىزدىگى ءۇشىن 29 بەينەباقىلاۋ كامەراسى ورناتىلعان.
سونداي-اق, بالالاردى تەگىن تاسىمالداۋدى ۇيىمداستىرۋ ءۇشىن ارنايى مەكتەپ اۆتوبۋسى ساتىپ الىندى. كەنتتىڭ شەتىندەگى قاڭىراپ, يەسىز قالعان كوپقاباتتى تۇرعىن ۇيلەردى بۇزۋ جوسپارلانۋدا. پاۆلودار - استانا تاس جولى بويىندا ورنالاسقان سۇرەڭسىز ۇيلەر كورىنىسى ەندى كەلمەسكە كەتپەك.
بۇزىلعان ۇيلەردىڭ تۇرعىندارى باسقا باسپاناعا كوشىرىلەدى. ءتىپتى, قالا اكىمى ولاردى تەزدەتىپ بۇزىپ, ورنىنا جەكە تۇرعىن-ءۇي قۇرىلىسىن قولعا الۋ كەرەك دەيدى.
اكىمدىكتىڭ ەسەبىنەن سوڭ, قالا اكىمى ءا.كۇمپەكەەۆ تۇرعىنداردىڭ ارىز-شاعىمدارىن تىڭدادى. تۇرعىندار 10 مىڭداي حالقى بار كەنتتە پوليتسيا بولىمشەسىنىڭ اشىلۋىن سۇرادى.
كوپشىلىك جوندەلگەن كوشەلەردىڭ ساپاسىنا قاتىستى رەنىشتەرىن ءبىلدىردى. قالا اكىمى كوشەلەردى بيىل «جاقسىلاپ» جوندەۋگە ەندى 75 ميلليون تەڭگە بولىنەتىنىن ايتتى.
كەنت ىشىندەگى تازالىقتى ساقتاۋ – اۋىلدىقتاردىڭ مىندەتى. سوندىقتان تۇرعىنداردى اۋىلدى لاستايتىن ءوز ادامدارىن تارتىپكە شاقىرۋ كەرەكتىگىن ءتۇسىندىردى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: الىبەك جيەناليەۆ
