سونىمەن قاتار, پارتيا تاراز قالالىق فيليالىنىڭ كەزەكتەن تىس كونفەرەنتسياسىنا دەلەگاتتار سايلاندى. جينالىس جۇمىسىنا باستاۋىش پارتيا ۇيىمىنىڭ توراعاسى, باستاۋىش ۇيىمنىڭ بيۋرو مۇشەلەرى جانە پارتيالىق توپتاردىڭ مۇشەلەرى قاتىستى.
قازىرگى تاڭدا «ارايسترويماركەت-2003» باستاۋىش پارتيا ۇيىمىندا 496 پارتيا مۇشەسى بار. وسى ورايدا بپۇ توراعاسىنىڭ ورىنباسارى مينۋرا بوجىمباەۆا پارتيا قۇرىلعان 20 جىل ىشىندە ەلىمىزدىڭ ەكونوميكاسى مەن الەۋمەتتىك دامۋى جولىندا ۇلكەن جۇمىستار اتقارىلعانىن اتاپ ءوتتى. سونداي-اق, جيىندا «نۇر وتان» پارتياسى تاراز قالالىق فيليالى «ارايسترويماركەت-2003» جشس باستاۋىش پارتيا ۇيىمىنىڭ بيۋرو مۇشەسى باقىت ساپاراليەۆا پارتيانىڭ 2030 جىلعا دەيىنگى باعدارلاماسى جوباسىنىڭ نەگىزگى ەرەجەلەرى تۋرالى باياندادى.
كۇن تارتىبىندەگى ءۇشىنشى ماسەلە – پارتيا تاراز قالالىق فيليالىنىڭ كەزەكتەن تىس كونفەرەنتسياسىنا سايلاناتىن دەلەگاتتاردىڭ قۇرامى بويىنشا اينۇر جامانقۇلوۆا ۇسىنىس جاسادى. پارتيا تاراز قالالىق فيليالى ساياسي كەڭەسى بيۋروسىنىڭ قاۋلىسىمەن بەكىتىلگەن وكىلدىك نورما بويىنشا 76 پارتيا مۇشەسىنەن 1 دەلەگات سايلانادى. سول سەبەپتى, 496 پارتيا مۇشەسى بار باستاۋىش پارتيا ۇيىمىنان 6 دەلەگات ۇسىنىلىپ, ءتىزىم پارتيا مۇشەلەرىنىڭ قولداۋىمەن بەكىتىلدى.
حاميت ەسامان,
«Egemen Qazaqstan»
جامبىل وبلىسى
