ايتالىق, حيميا, دايىن مەتالل ءوندىرۋ ءىسى مەن ماشينا جاساۋدا ءوندىرىس كولەمى تومەندەگەن. پەتروپاۆل اۋىر ماشينا جاساۋ, «مۇنايماش», «زيكستو» زاۋىتتارى تاپسىرمالاردى يگەرە الماعان. اۋداندار بويىنشا مامليۋت اۋدانى مەن پەتروپاۆل قالاسى كوش سوڭىندا قالعان. ال ع.مۇسىرەپوۆ اۋدانىندا 2015 جىلى باستاۋ العان يندۋستريالاندىرۋ كارتاسىنىڭ 2-ءشى بەسجىلدىعىنا بىردە-ءبىر جوبا ەنگىزىلمەگەن. ەسىل, شال اقىن, ءۋاليحانوۆ جانە تيميريازەۆ اۋداندارى ءبىر عانا جوبا ۇسىنعان.
يندۋستريالدى-يننوۆاتسيالىق دامۋ باعدارلاماسىنىڭ ەكىنشى 5 جىلدىعىندا وڭىردە 94 ميلليارد تەڭگەنىڭ 44 جوباسىن ىسكە اسىرۋ بارىسىندا قوسىمشا 2,5 مىڭ جۇمىس ورنىن قۇرۋ جوسپارلانعان. 4 جىل ىشىندە 28 جوبا جۇزەگە اسىرىلىپ, 800-دەن استام ادام جۇمىسقا ورنالاستىرىلعان. قۇيىلعان ينۆەستيتسيا كولەمى 17 ميلليارد تەڭگەدەن اسادى. بيىل 14,7 ميلليارد تەڭگەنىڭ 7 جوباسىن ىسكە اسىرىپ, 500 جاڭا جۇمىس ورنىن قۇرۋ بەلگىلەنگەن.
الايدا, بۇل سالادا بارلىق اۋدان شەتەلدىڭ قالتالى ازاماتتارىن تارتۋدا بەلسەندىلىك تانىتىپ وتىرعان جوق. «قازاق ينۆەست» ۇك وكىلدەرى دە وسى پىكىردە. مەملەكەتتىڭ قارجىلىق قولداۋىنا قاراماستان, 13 اۋداننىڭ 5-ۋىندە ينۆەستيتسيالىق جوبالار قاراستىرىلماعان. ولار – اقجار, ەسىل, تيميريازەۆ, جامبىل جانە م.جۇماباەۆ اۋداندارى. ەلىمىز بويىنشا بيزنەستى جۇرگىزۋدىڭ جەڭىلدىگى رەيتينگىندە وڭىر 5-ورىندا تۇر. جاعداي وسىلاي جالعاسا بەرسە, وسى ۇردىستەن ايىرىلىپ قالۋى ابدەن مۇمكىن.
مەملەكەتتىك باعدارلاما اياسىندا رەسپۋبليكالىق ماڭىزداعى 10 ۇزدىك جوبانىڭ قاتارىنا شالقار-يمانتاۋ كۋرورتتىق ايماعى دا ەنگەن. كۋرورتتىق ايماقتى دامىتۋعا 32,4 ميلليارد تەڭگە قارجى بولىنبەك. ينفراقۇرىلىم جاڭارتىلىپ, جاڭا قوناق ۇيلەر مەن دەمالىس بازالارى بوي كوتەرەدى.
الايدا وبلىس ورتالىعىنان الىس ەمەس جەردە ورنالاسقان مەڭكەسەر كولى جونىندە ولاي ايتۋعا ءالى ەرتە. ءتۇرلى اۋرۋعا ەمدىك قاسيەتى مول كول قاراۋسىز قالعان, يە جوق. ونى شيپالى ورىنعا اينالدىرۋعا ينۆەستورلار ىزدەستىرىلگەنمەن, تابىلار ەمەس. ال نيەت ەتكەن جەرگىلىكتى كاسىپكەرلەردى جولاتقىلارى كەلمەيدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
