«بۇگىنگى جيىندا وتكەن جىلدىڭ قورىتىندىسىن شىعارامىز. بىلتىر ىستەلگەن جۇمىستار وسى جەردەگى بارىمىزدىڭ اتقارعان شارۋامىزدىڭ ناتيجەسى. بارلىق اكىمدىكتەردىڭ, مينيسترلىكتەردىڭ, جالپى مەملەكەت قىزمەتكەرلەرىنىڭ ىستەگەن جۇمىسى, ونىڭ ىشىندە مەن دە بارمىن. جالپى, 2018 جىلدىڭ كورسەتكىشتەرى ەكونوميكانىڭ بارلىق سالاسىندا جاقسى دەپ ايتۋعا بولادى. سونىڭ ارقاسىندا حالىققا الەۋمەتتىك قىزمەت كورسەتەتىن مۇمكىندىك بولدى. اتاپ ايتساق, ەكونوميكانىڭ ءوسىمى 4 پايىزدان استى. بۇل جالپى دۇنيەجۇزىلىك ورتاشا وسىمنەن جوعارى دەۋگە ابدەن بولادى. نەگىزىنەن ساۋدادا 7,6, كولىكتە 4,5, ونەركاسىپتە 4 پايىزدان استام ءوسىم بار», - دەدى نۇرسۇلتان نازارباەۆ.
بۇدان سوڭ, مەملەكەت باسشىسى ەل ەكونوميكاسىنىڭ باسقا دا سالالارىنا توقتالىپ ءوتتى.
«ينفلياتسيانىڭ وتكەن جىلعى كورسەتكىشى 5,3 پايىزدى قۇرادى. سولاي دەپ جوسپارلانعان ەدى. نەگىزگى كاپيتالعا سالىنعان ينۆەستيتسيالار 17 پايىزدان استى. بۇل دا جاقسى كورسەتكىش دەپ ايتۋعا بولادى. اتالعان ەكونوميكالىق كورسەتكىشتەردىڭ بارلىعى حالىق تۇرمىسىن جاقسارتىپ, ناقتى تابىسىنىڭ ارتۋىنا ءوزىنىڭ ۇلەسىن تيگىزەدى», - دەدى ەلباسى.
سونداي-اق مەملەكەت باسشىسى كەشە 5 وبلىس اكىمىمەن كەزدەسكەنىن ەسكە سالىپ ءوتتى.
«وبلىس اكىمدەرىنىڭ ەسەپتەرىن تىڭدادىق. وڭىرلەردە دە ىستەلىپ جاتقان شارۋا از ەمەس. بارلىعى ءبىزدىڭ باعدارلامالاردى ورىنداۋ ءۇشىن اتسالىسىپ, جۇمىس ىستەپ جاتىر», - دەدى ەلباسى.
