ويىن بۇگىن ماسكەۋ قالاسىندا وتكەن بولاتىن, ەسەپ 2:5. «بارىس» ويىننىڭ 19 سەكۋندىندا-اق برەندون بوچەنسكيدىڭ گول سوعۋىمەن العا شىعا باستادى. سول ارقىلى قحل-داعى وسى ماۋسىمداعى ەڭ تەز سوعىلعان گولدىڭ اۆتورى اتاندى.
«بارىس» ەكىنشى سوققىسىن 20 مينۋتتا جاساپ, قارسىلاسىن سان سوقتىردى. ۇزىلىسكە 8 مينۋت قالعاندا قحل-دىڭ وسى ماۋسىمىنداعى ەڭ مىقتى قورعاۋشىسى داررەن ديتس گول سوعىپ, ەسەپ 2:0 بولدى.
«بارىس» ءۇشىن ەكىنشى كەزەڭ دە وتە ءساتتى باستالدى. 59 سەكۋندتان سوڭ شۆەتسيالىق شابۋىلشى اندرە پەتەرسسون گول سوقسا, ويىننىڭ 23-ءشى مينۋتىندا قورعاۋشى الەكسەي ماكليۋكوۆ ەسەپتى 4:0 – گە جەتكىزدى.
دەگەنمەن قارسىلاستار 35-ءشى مينۋتتا شابۋىلشى كيريلل كاپريزوۆتىڭ گولىمەن ەسەپتى قىسقارتتى - 1:4. تاعى ءبىر رەت «بارىستى» سان سوقتىرعان گول 55-ءشى مينۋتتا شابۋىلشى انتون سلەپىشەۆتىڭ ەسەبىنەن بولدى.
سوڭعى گولدى «بارىس» 59-شى مينۋتتا سالدى, اۆتورى – بوچەنسكي بولدى. وسىلايشا ويىن 5:2 ەسەبىمەن اياقتالدى.
