اتاپ ايتقاندا, 2018 جىلدىڭ 15 ماۋسىمىندا, 2 تامىزىندا جانە 20 قىركۇيەگىندە «ماڭعىستاۋ وبلىسىنداعى ينۆەستيتسيالىق حال-احۋال: سىبايلاس جەمقورلىققا قارسى ءىس-قيمىل مەحانيزمدەرى» اتتى تاقىرىپتا وبلىستىق سىبايلاس جەمقورلىققا قارسى ينۆەستورلار فورۋمى ۇيىمداستىرىلدى.
اتالعان شاراعا ارنايى مونيتورينگ توبىنىڭ, كاسىپكەرلەر پالاتاسىنىڭ, «كازاح ينۆەست» اق, وبلىستاعى شەتەل كومپانيالارىنىڭ وكىلدەرى كەڭ كولەمدە قاتىستى. ينۆەستورلارعا اگەنتتىكتىڭ «ينۆەستورلاردى سىبايلاس جەمقورلىققا قارسى سۇيەمەلدەۋ» جاڭا جوباسى تانىستىرىلىپ, شەتەل كومپانيالارى بۇل جوبا اياسىندا ىنتىماقتاستىققا شاقىرىلدى. سونىمەن بىرگە جوبا اياسىندا «كازاح ينۆەست» اق نەگىزىندە «Protecting Business and investments» فرونت-ءوفيسى اشىلدى.
جوبا شەڭبەرىندە 17 كومپانيا, ونىڭ ىشىندە 8 شەتەلدىك جانە 9 وتاندىق كاسىپورىندار كەلىسىمگە قوسىلىپ, جالپى سوماسى 412,31 ملرد تەڭگەنى قۇرادى. اتاپ ايتقاندا, شەتەلدىك كومپانيالار قاتارىندا ازىربايجاندىق «اكتاۋ ەنەرگوماش» جشس جانە «Semurg Invest» جشس, سينگاپۋرلىق «توپان Chemical» جشس, تۇركيا مەن گەرمانيالىق بىرلەسكەن «Satex Chemie» جشس, ۇندىستاندىق «South Caspian Operating Company» Siva Swati Textiles Pvt. Ltd» بىرلەسكەن كاسىپورنى, قىتايلىق «Safbon Beltway Concortium» كومپانياسى, گەرمانيالىق «ساگا اتاش» جشس جانە تۇركيالىق «اقتاۋ حالىقارالىق اۋەجايى» اق بار. ال وتاندىق كومپانيالاردىڭ قاتارىندا «دوموسترويتەلنىي كومبينات اكتاۋ» جشس, «گورود ماستەروۆ يپ بيتنەر ا.ۆ.», «Kazakh Production Group» جشس, «ەستۋرليەۆا ل.» جەكە كاسىپكەر, «حازارمۋنايگازكۋرىلىس» جشس, «سوبكو» جەكە كاسىپكەرى, «Tastai» جشس, «Batys Invest Group» جەكە كاسىپكەرى جانە «West Commerce Trade» جشس بار.
جالپى سانى 29 شاعىم ءتۇسىپ, 27 شاعىم بويىنشا كاسىپكەرلەردىڭ قۇقىقتارى قورعالدى, 2 ءوتىنىش ءالى قارالۋدا.
مىسال رەتىندە, «Protecting Business and investments» جوباسى اياسىندا كاسىپكەرلەردىڭ قۇقىقتارىن قورعاۋ باعىتىندا «گورود ماستەروۆ يپ بيتنەر ا.ۆ.» جەكە كاسىپكەرىنىڭ جيhاز فابريكاسىنا گاز ءدالىزىن جولعا قويۋ جانە ۆيزۋالدى جارناما باننەرلەرىنىڭ ەسكيزدەرىن كەلىسۋ ماسەلەلەرى بويىنشا وڭىرلىك فرونت-وفيسكە شاعىم تۇسكەن بولاتىن.
اۋماقتىق دەپارتامەنتتىڭ شۇعىل ارەكەت ەتۋىنىڭ ناتيجەسىندە كاسىپكەردىڭ شاعىمدانعان ەكى ماسەلەسى دە وڭ شەشىمىن تاپتى.
گۇلايىم شىنتەمىرقىزى,
«Egemen Qazagstan»
ماڭعىستاۋ وبلىسى
